Skip to main content

Arnat U-18-imi unammisartut Sverigemi

Arnat assammik arsarlutik U18-imi unammisartut aqagumiit pingasunngornermiit Sverigemi Gøteborgimi Partille CUP-imi peqataassapput. Unammiuaarneq nunarsuarmi assammik arsartartut unammiuaarnerisa annersaraat, nunarsuarmit tamarmit peqataaffigineqartoq.

Nunanut allanut unammisartut arfininngormat tikikkamilli ullormut marloriarlutik sungiusartarsimapput, unammisartullu qasusuitsutsimik misilitsinnerat naammaginartorujussuarmik ingerlasimavoq, nunanut allanut unammisartut sungiusaasuat Preben Clausen paasissutissiivoq.

Sungiusaqatigiinneq naggaserlugu Hollandimiut U21-mi unammisartut sungusaammik unammineqarput, Kalaallit Nunaallu 22 - 20-mik ajugaavoq.

Pingasunngormat unammiuaarneq aallartissaaq, tassanilu Kalaallit Nunaat tallimanngornerup tungaanut aallarnisaataasumik unamminerit tallimat ingerlatissavai, imatut pilersaarutilimmik:

Kalaallit Nunaat-RP IF, pingasunngorneq nal. 09:40

Rosersbergs IK-Kalaallit Nunaat, pingasunngorneq nal. 12:00

Kalaallit Nunaat-Hellton IF, sisamanngorneq nal. 09:05

Kalaallit Nunaat-TSV Burgdorf, tallimanngorneq nal. 12:35

Driv IL-Kalaallit Nunaat, tallimanngorneq nal. 17:15

Unamminerit silami assammik arsarluni unammiffinni katillugit 35-ini ivigaasanik qallikkani ingerlanneqassapput, Gøteborgimi sanileriiaarlutik inissisimasuni.

Nunanut allanut unammisartut 15-it tassapput: Mia Rasmussen, Næstved, Nivi Wille, Ringsted, Naasu Tremel, Viborg HK, Hanne Millek, GOG, Inaluk Zeeb, Juelsminde, Katinka Zeeb, Juelsminde, Ulla Kleist, Svendborg, Aviaja Heilmann, Svendborg, Hanna Østerø, NûK, Karo Zeeb, Sulloq 94, Sara Egede, Ivaana Holm, GSS, Christina Lange,N48, Nivi Fly, N48 aamma Belinda Lange, N48.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER