Sarpiup Quest katatseriassavaa
Ocean Nova, siornatigut Sarpik Ittuk, arfininngornermi nal. 22 Qeqertarsuarmut tikissaaq umiarsuaq ikkarlissimasoq katatseriassallugu.
Annonse
- Unnugu 20 cntimeterinik ulinnerusussaavoq, tamannalu iluatseriassavarput,
Albatros Travelip direktøria Søren Rasmussen sermitsiaq.gl-imut oqarpoq.
- Ocean Novap unnugu umiarsuaq pituutseriarsinnarlugu ikkarlummiit katatseriassavaa, Søren Rasmussen oqarpoq. Umiarsuup pingasunngormat nammineerluni ikkarlummiit peeriaraluarnera iluatsinngilaq, massakkullu Ocean Nova ikiortigalugu misiliisoqartussanngorpoq.
Unnugu misiliineq iluatsissanngippat umiarsuarmik anginerusumik ikiortissarsiortariaqassaagut, Søren Rasmussen oqarpoq.
Quest, tassalu Saqqit Ittuk, tassa Disko II ikkarlikkami itsinermigut alissimavoq (siornatungimigit immamiit nuisasukkut, aaqq.)