Silap allanngornera kalaallimit isigalugu

Qivioq Kern Kreutzmann Kalaallit Nunaanni avatangiisit pillugit TV-kkut aallakaatitassiami innuttaasut pingaarsaata aapparaa.

Qivioq Kern Kreutzmann spiller hovedrollen i en ny film om klimaændringerne i Grønland.

Sakkortuumik timersorneq silaannaallu pissusaasa allanngornerat sukkut imminnut attuumassuteqarpat?

Imminnut attuumassuteqqangaatsiaqaat, Kalaallit Nunaanni timersornerit sakkortunersaannik Siku Extreme Arctic Challengemik, siornatigut Arctic Team Challenge-mik taaneqartarsimasumik aaqqissuussisut taama isumaqarput.

Tamaattumik Siku Extreme Arctic Challenge avatangiisinut sammisinneqassaaq.

Sakkortuumik timersornissaq - tulleriiaat arfineq aappassaat - ulluni tallimani timikkut qasunartumik ingerlanneqartussaq Ammassallip qeqertaani ingerlanneqassaaq ulluni julip 21-ianniit 26-iannut.

Ukiuni arfinilinni siullerni pisarsimanertut qallunaat filmilioqatigiiffiat Ace & Ace unamminerup ingerlanerani peqataasut qaqqamiit qaqqamut, sermitigut kangerlutsigullu sikukitsigut malittaralugit aallakaatitassiussaaq.

TV-kut aallakaatitassiaasartut tamakkua Ammassallip takornariarfissatut nittarsaanneqarneranut nalitoorujussuusimapput, ukiormannali aammali Silarsuarmi Issittut Ukiorimmassuk, Kalaallit Nunaat tamarmi iluaquserneqassaaq.

Taamaattumillu tv-kut aallakaatitassiami »Vor arktiske udfordring«-imi silaannaap pissusaasa allanngoriartornerisa Kalaallit Nunaannut sunniutaat, kalaallit tungaanniit isigalugit, sammineqassapput.

Det europæiske Miljøagentur-imullu sakkortuumik timersorneq Siku Extreme Arctic Challenge aammalu »Vor arktiske udfordring« isiginnaartussanut amerlan erusunut allanullu anngunnissamut periarfissiissapput.

TV-kut aallakaatitassaq oktoberip naanerani naammassillugu qiortarneqareersimassaaq, tamatumalu kingorna nunanut 80-inut nassiussorneqassalluni - soorunalumi aamma nunatsinni aallakaatitsisarfimmut KNR-imut.

Aallakaatitassiaq tuluuttuujusussaq KNR-imut kalaallisut oqaasertalersugaassaaq.

Sermitsiaq atuaruk...

Powered by Labrador CMS