Puisit neqaat Danmarkimut

KNI-p Københavnimi pisiniarfia puisit neqaannik tuniniaasaqqilissaaq, Arctic Green Foodimi aalassassimaarneq pissutigalugu pilersuinerup unitsinneqaraluarnerata kingorna, taamatut allappoq knr.gl.

Københavnimi proviantklubbi puisit neqaannik nassitsivigineqarpoq.

KNI-p Christianshavnimi pisiniarfiata nillataartitsivianii kingullermik puisit neqeqarsimasoq februarimi. Siunertaasimagaluarpoq KNI-p pisiniarfia puisit neqaannik akuttunngitsumik pilersorneqartassasoq.

- Paatsuunganartinneqarsimavoq inniminniinerit sumut nassiunneqartassanersut, maannali Arctic Green Foodimi eqqissisimasoqaqqilerpoq, taamaattumik neriuutigisorujussuuvarput maanna pisiniarfipput puisit neqaannik akuttunngitsumik pilersorneqartalissasoq, Københavnimi KNI-meersoq Alberth Jakobsen KNR-imut oqarpoq.

Kalaallit Københavnimi proviant klubbiat kalaallinik qallunaanillu 957-inik ilaasortaqarpoq. Ilaasortat tamarmik inniminniinerit tamaasa puisit neqaannik 5 kiilumik piniarsinnaapput.

Powered by Labrador CMS