Aqqutissiuussitut suliulliit naammassisut

Aqqutissiuussisutut Tunngaviusumik Ilinniartitaaneq (VGU) soraarummeerfiusumik naammasseqqammerpoq. Ilinniartitaaneq 2000-imi aallartimmalli aatsaat taama amerlatigisunik naammassisoqarpoq.

Aqqutissiuussisut ilaat qulit Nuummiipput, sinneri ukunanngaanneerlutik: Aasiaat, Maniitsoq, Sisimiut, Tasiilaq, Qaqortoq, Ilulissat, Kangaamiut, Qasigiannguit og Ittoqqortoormiit. Ilinniartitsisut Karen lorentzen Sonja Christensnilu illugiillutik avalliuppput.

Naammassisut aatsaat taama angusarissaartigipput aallartittullu 27-t tamarmik soraarummeerutissaminnik tunniussipput soraarummeernerminnilu angusillutik.

Soraarummeertut affaasa internetti telekonferencelu (telefon-ikkut arlallit ataatsikkut attaveqaqatigiillutik) atorlugit soraarummeerneq ingerlappaat.

Teknikimut tunngasutigut NI-mi ITA-mi ilinniartup ikiuulluarneratigut soraarummeertut tamarmik ikiorluarneqartutut misigisimasut, ilinniartunut siunnersorti Karen Lorentzen oqarpoq.

Ilinniartitaanerup nutaamik inerikkiartorfigisaasa ilagaat soraarummeersitsinerit amerlasuut tamakkiisumik ilaannakuusumilluunniit kalaallisut ingerlanneqarmata, taamaaliornerlumi paasinarsivoq inernerisanut ajunngilluinnartumik sunniuteqartoq.

Ilinniartut soraarummeerutaat uninngarusaarlutik ”pujoralanikkiartorusaassanngillat”.

Sulianut aallaaviuvoq allannguineq inerititsiartornerlu anguniarneqassasut – ilinniartumut suliffeqarfimmullu aqqutissiuussisup atorfeqarfigisaanut. Soraarummeerutit aallartisareerput iliuusissanut pilersaarusiat atorlugit taakkulu ilinniartitaanerup naammassineranut killeqaannaratik ingerlaqqinnerupput innuttaasut akornanni aqqutissiuussinermut neqeroorutigineqarsinnaasumut pitsaasumik kinguneqartussat.

Aqqutissiuussisunngorlaat 27-t allagartartaartinneqarneranni Niunermik Ilinniarfimmi Nuummi ingerlanneqartumi internettikkut attaviliinikkut sinerissami peqataasut tamarmik peqataatinneqarput, naak najuutinngikkaluartik.

– Septemberinnguinnartoq tunngaviusumik aqqutissiuussisunngorniartut nutaat aallartissapput, ukiorlu manna ingerlatsinikuni misilittakkat qularnanngilaq pilersaarusiornermut ilaatinneqassapput, Karen Lorentzen, oqarpoq.

Aqqutissiuussisut 27-t ukuupput: Kristoffer Larsen, Grethe Efraimsen, Inôraq Johansen, Vivi Efraimsen, Gustav Petersen, Juaannannguaq Jensen, Klaus Lennert, Kirsten Bianco, Thomas MIkaelsen, Dorthe Kathrine Olsen, Emilie Napaattoq, Jane Barselajsen, Jakob Motzfeldt, Atida Davidsen, Frantz Olsvig, Tønnes Kreutzmann, Ole Mathiessen, Hansinnguaq Dalager, Else Egede Lynge, Hansine Heinrich, Anja Petersen, Niels Street, Guluk Chemnitz, Jakob Amondsen, Tønnes Olsen, Amalie Jakobsen aamma Ville Abelsen.

Powered by Labrador CMS