Skip to main content

Qaanaami pisiniarfiit nioqqutissatikitsut

Qaanaarmiut ilaatigut paarnat, manniit qallersuutissallu amigaatigaat. .

Pilersuisup Qaanaami pisiniarfiata ilisiviisa ilarpassui imaqanngillat. Paarnat soorlu iibilit, bananit, appelsiinat, grabefrugtit, agurkit blomkålillu amigaataapput.

– Innuttaasut nioqqutissanik amigaateqartarneq sungiusimavaat. Sinerissamiit tikeraat kisimik ilisiliit imaqanngitsut upruartarpaat, pisiniarfiup pisortaa Qulutana Qvist oqarpoq.

Pilersuisoq tallimanngornerit tamaasa paarnanik naatitanillu nutaanik Pituffimmi Thulebasemiit pissarsisarpoq. USA-meersunik.

– Ajoraluartumillu nioqqutissat timmisartumut ilaajuaannartanngillat. Pituffimmiit ilaasut qassiunerat apeqqutaasarami. Helikopterimut ilaasussat amerlagaangata nioqqutissat tunulliunneqartaramik. Assut nuanniittarpoq. Ilaanneeriarluta sapaatit akunnerani tulleriinni marlunni paarnanik naatitanillu tikisitsinngitsoortarpugut.

Pilersuisorlu aamma qallersuutissanik Danmarkimut piniartarpoq.

– Qallersuutissat, K-salatit, immussuit kukkukuuaqqallu Danmarkimiit pisarpagut. Ataasinngornerit tamaasa sapaatit akunnerinik marlunnik sioqqutsilluta nioqqutissanik piniartarpugut, Qulutana Qvist oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER