Atornerluisunut Quppernerit Sungaartut
Kalaallit Nunaanni, Danmarkimi Savalimmiunilu imerajuttut maanna ajornannginnerusumik ikiorneqarsinnaalerput. Tassami qupperneq nittartagaq hope.dk nutarterneqarsimavoq siunnersuisunullu katsorsaaffinnullu 800-t sinneqartunut innersuussilluni, nutaarsiassanik atuagassiaq Danske Kommuner allappoq.
Qallunaat, savalimmiormiut kalaallillu 500.000-it missaanniittut imigassaq pissutigalugu imminnut ajoqusertarput. Tamakkua qitornaallu maanna ajornaannerusumik ikiorneqarsinnaalerput. Kommunit tamarmik www.hope.dk kommunip quppernera nittartagaq aqqutigalugu iserfigisinnaavaat, tassanilu siunnersuisartut katsorsaaffiillu 860-it nassaarineqarsinnaapput.
- Naatsorsuutigineqarpoq imerajuttut 10 procentiinnaat katsorsarneqartartut. Tamatumani www.hope.dk atorneqarsinnaavoq, tassa quppernerup nittartakkat AlkoholGuide-ani kinaassuseq isertorlugu, akeqanngitsumik ulloq unnuarlu paasissutissanik pissarsisoqarsinnaavoq. Naatsorsuutigaarput imigassamik ajoqutigalugu atornerluisut amerlanerujussuit sumi qanorlu ikiorneqarsinnaanerminnik paasissutissanik ujarlissasut, Allan Jonas, Hope.dk-mi suleqataasoq oqarpoq.
AlkoholGuide3-p ineriartortinnerae Sundhedsstyrelsip aningaasaliiffigisimavaa, taannalu aamma isigalugu kommunimi sulisunut ikiuorsiissutissatut.
- Sundhedsstyrelsi meeqqanik ilaqutariinniillu ilisimannittunik kommunini pilersitsinialeruttorpoq, maannalu neqeroorutitut attuumassuteqartunut adressit nutartikkat anisissinnaalerpaat, imerpallaartumut, aapparisaanut qitornaanullu, angoqqaamik imernerannik annertuumik sumiginnarneqartartunut.
- AlkoholGuiden atussallugu ajornanngitsuararsuuvoq, sisamariaannarluni toorsigaanni Danmarkimi aammalu Kalaallit Nunaanni Savalimmiunilu neqeroorutit takuneqarsinnaapput, Kit Broholm, Sundhedsstyrelsimi immikkut siunnersortaasoq, oqarpoq.