Ukioq manna niuernermi studenteq siulleq
Anders Samuelsen, Uummannameersoq, ukioq manna siullersaalluni nasartaartinneqarpoq Qaqortumi Niuernermik Ilinniarfimmi HHX-imi niuernermi ukioq manna studentitut siullertut.
Annonse
Anders Samuelsen 23-inik ukioqarpoq Uummannameersuullunilu. Maanna soraarummeereernermi kingorna ukioq ataaseq suliniarpoq, tamatumalu kingorna nangitsilluni ilinniarneq naatsoq NI-2 ingerlanniarpaa, Aningaasanik Pisuussutinillu Aqutsineq immikkut sammisaralugu. Anders Nuummi aappaqarpoq qitornaqarlunilu, nooqatigeqqinnissaallu qilanaaraa.
Ukioq manna niuernermi studentit 17-it soraarummeersinneqarput tamarmillu angusipput.
– Sulianut nutaanut nangitsillunilu ilinniarnernut ingerlateqqinneri nuannaarutigaarput tulluusimaarutigalugulu, Henrik E. NIelsen, Niuernermik Ilinniarfimmi immikkoortoqarfimmut pisortaasoq oqarpoq.