Skip to main content

Immap assingi pitsaanerusut

Ukiut sisamat ingerlaneranni Kalaallit Nunaanni immap assinginit katillugit 93-init 54-it nutarterneqarsimassapput.

Angallatit SKA-t maluk 12 aamma 16, piffissami matumani Uummannami immap itissusaanik uuttortaasut, itissusersiutinik arlalinnik qinngornilinnik taaneqartartunik atortoqarput, immap naqqanik tamakkiisumik takutitsisunik.

Angallatit SKA-t immap itissusiinik uuttortaapput, immap naqqi itissusersiutit atorlugit tamakkiisumik misissorneqarlutik uuttortarneqarlutillu.

Uuttortaanerit tamakkua inerneri - itissutsimik uuttortaanernik taaneqartut - immap assinginik sananermut atorneqartarput.

Angallatit SKA-t uuttortaariaasiisigut immat naqqi 10 meteriniit 1000 meterinut itissusillit ersarilluinnartumik assilersorneqarsinnaapput.

Uuttortaanerni paasisat tamarmik katersorneqartarput digitalimillu suliarineqartarlutik, ullullu tamaasa paasissutissat katersorneqarsimasut inuttat misissorlugillu suliarisarpaat.

Piffik uuttortaaffiusoq naagaangat Københavnimi Farvandsvæsenip paasissutissat katersorneqarsimasut pitsaassutsikkut misissoqqittarpai.

Tamatuma kingorna paasissutissat suliarineqarsimasut Kort- og Matrikelstyrelsimut nassiunneqartarput, tassanilu immap assingi suliarineqartarpput.

Immap assingi nutartissapput
Namminersornerullutik?Oqartussat qallunaallu oqartussaasuisa 2006-ip naalernerani isumaqatigiissutigaat kalaallit immap assiutaat ukiuni aggersuni immikkut sammineqassasut.

Immap assingisa nutarternisaannut ataatsimoortumik tulleriissaarisoqarsimavoq.

Tulleriissaarineq tamanna pisimavoq immap qanoq angallavigitigineqarnera malillugu, immalu assinga maanna pigineqartoq qanoq pitsaassuseqarnersoq aallaavigalugu.

Immap assingi naammassiinnavissut ataavartumik saqqummersinneqatassapput, naatsorsuutigineqarporlu immap assingi siulliit 2007-imi saqqummersinneqariissasut.

Immap assingi siuliullugit nutarterneqartussat tassaappuyt Maniitsup Qeqertarsuatsiaallu akornanni immap assingi.

Tamatuma kingorna Kujataani immap assingi nutarterneqassapput kingornalu Maniitsumiit Qeqertarsuup Tunuanut immap assingi nutarterneqassallutik.

Ukiut sisamat qaangiuppata nunatsinni immap assinginit katillugit 93-init 54-it nutarterneqarsimassapput, tamatumalu kingorna Namminersornerullutik? Oqartussat suleqatigalugit nunatta imartaani immap assingisa sinnerisa nutarterneqarnissaannut pilersaarusiortoqassaaq.

Immap assingisa nutarternissaat pisariaqarpoq, pissutigalugu immap assingi maanna pigineqartut eqqunngitsorujussuummata.

Taamaasiluni immap assingini amerlaqisuni sinerissat pissusiviusunut naapertuutinngillat.

Nutaamik uuttortaanerit timmisartumillu assilisat tunuluaqutaralugit immap assingi pioreersut iluarsineqassapput, ullutsinnut naapertuuttunngorlugit aammalu satellitsimik sumiissusersiut peqatigalugu atorneqarsinnaanngorlugit.

Immap assingi nutaat digitaliussapput, taamaasilluni siunisssami immap assingisa iluarsaanneri ajornaannerulissalluni, assersuutigalugu nutaamik uuttortaanernut atatillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER