Skip to main content

INI-p nunaqarfinnut tikeraarniarnera sikorsuit akornusersorpaat

Kujataani illoqarfinnut nunaqarfinnullu arlalinnut INI-p pilersaarutaasumik tikeraarniarnera septemberimut kinguartittariaqarsimavoq. Tamatumunnga pissutaapput sikorsuit, INI-p angalatitaannik sumiiffinnut tikitsaaliuisitsisut.

Pilersaarutit malillugit INI-p tikeraartussaasimagaluarpai Narsarmijit, Ammassivik, Eqalugaarsuit, Saarloq, Qassimiut, Qassiarsuk kiisalu Nanortalik Qaqortorlu.

INI-p angalatitaasa angalaqattaarnertik aallartissimagaluarpaat Tasiusamilu Aappiliattumilu illuutillit ataatsimeeqatigisimallugit, sikorsuit takkummata tamaanilu angalanissaq ajornartilerlugu.

INI-p nalunaarutigaa selskabi tikeraaqattaarnermini boligstøttep illuutaanik namminerlu illulianik piginnittut tamaasa ataatsimeeqatigisussaagai, taarsigassarsinissamut tapiiffugineqarnissamullu periarfissanik nutaanik siunnersussallugit. INI-llu tikeraarnermini aamma illut qanoq issusaat nalunaarsortussaavai nunaqarfinnilu illut inoqanngitsut nalunaarsussallugit.

Nunaqarfiit allaffii nalunaarfigineqarsimapput Kujataani nunaqarfinni boligstøttemik nammibnerlu sanaanik illuutilinnut tikeraarnissat kinguartinneqarnerannik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER