Skip to main content

Qaanaami suliniutit annertuut

Kommunit avannarlersaanni innuttaasut inuuniarnikkut atugarisaasa pitsanngorsarneqarnissaat pimorunniarneqalerpoq.

Qaanaami maannakkut annertuumik iliuuseqartoqartariaqalerpoq, Naalakkersuisunut ilaasortat pingasuusut Hans Enoksen, Aleqa Hammond aamma Arqalo Abelsen sapaatit akunnerata matuma siuliani ulluni pingasuni kommunimut tikeraareernermik kingorna neriorsuipput.

Maajip ulluisa qulinganni Naalakkersuisut imigassamik tuniniaanernik matuseriataarnerisa kingorna tikeraarnissaq aaqqissuunneqarpoq.

Naalakkersuisunut ilaasortat innuttaasut piniarnerinnarmik inuussutissarsiuteqartut ikittunnguit (600 – 700-t) siornatigut tulluusimaarutissaqarsimaqisut ukiut qulit kingulliit ingerlanerini kinguariartuinnarsimasut namminneerlutik tusarfigalugillu takuaat, ilaatigut silaannaap allanngoriartorneranik, qangatut piniartutut inuussutissarsiorsinnaanermik ajornarkusoortitsilluinnalersoq, pissuteqartumik.

Ukiorpassuarni tunulliussiuarsimanerit oqartussaasut maannakkut iluarsiniarsarinialerpaat.

Ataatsimiititaliaq sulinasuartussaq piaarnerpaamik pingaarnermik pilersaarusioqquneqarpoq, pilersaarummilu tassani innuttaasut annikilliortut inuuniarnikkut atugarisaannik pitsanngorsaaviginiarlugit suliniut suut allartinneqassanersut allaaserineqassapput.

– Piinsip kinguninngua ataatsimiititaliaq siullerpaamik ataatsimiissinnaassasoq naatsorsuutigaarput, Peqqissutsimut Naalakkersuisoq, Arqalo Abelsen (Atassut), paasissutissiivoq.

Naalakkersuisut Qaanaap Kommunia aningaaserivimmi 7 mio. koruuninik taarsigassarsisinnaaneranik akuersissuteqarfigeriarlugu siorna oktobarimi aningaasanik ikiorsernissaa itigartitsissutigaat.

Tamanna Anthon Frederiksenimut, Kattusseqatigiit Partiat, akissummi allassimavoq. Naalakkersuisut siulittaasua akissummini imatut allappoq: »Kommunip aningaasarliornera ikiorserniarlugu Qaanaap Kommuniani suliniutinik aallartitsinissamik aningaasatigulluunniit ikiorsiinissamik Naalakkersuisut eqqarsaateqanngitsut«.

Ullumikkut qaammatit arfineq-marluk qaangiummata Naalakkersuisut nassuertariaqarput kommunillu aningaasatiguinnaanngitsoq aammali innuttaasut tamarmik inuuniarnikkut atugarisaannik iluarseeqqinnissamut pilersaarummik annertuumik aallartitsisariaqarlutik. Suliniummi aqutsisup Karen Littauerip angajoqqaat ernguttarnerat pissutaalluni meeqqat sumiginnagaasarnerat inuppassuarnut saqqummiussinerata kingorna aatsaat akuliuttoqarpoq.

Sinnera Sermitsiami atuaruk....

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER