Google-mik pilersitsisut Illoqqortoormiuni

Silarsuarmi ujaasisarfiit annersaannik Googlemik pilersitsisut Larry Page aamma Sergey Brin ulluni makkunani kitesurferiarlutik Illoqqqortoormiiniippput.

Kitesurfertarput sisoraatit anorisaatitalersinnarlugit anorimut ingerlatitilluni sisorarluni.

Nanu Travelimilli piginnittup Karina Bernlowip takornarissat pisorsuit silamik iluatsitsivallaarsimannginnerarpai, tappavani anoreqarpiarsimanngimmat.

Googlemik pilersitsisimasut marluk tallimanngormat Constable Pyntimut timmisartumik tikissimapput, ullunilu siullerni atugarissaarpallaaratik najugaqarsimallutik.

Takornarissat sapaammi unnukkut Illoqqortoormiinut tikissimapput ataasinngornerullu imaluunniit marlunngornerup tungaanut tassaniissallutik.

Sapaammi unnukkut Nanu Travelip tikeraat kalaaliminernik nerisippai soorlu kapisilinnik, uiluinnik, raajanik umimmannillu.

Tikeraallu aamma qimussiunneqarumaartut oqaatigineqarpoq.

Powered by Labrador CMS