Sinnittutut pissuseqalersitsisartoq nunatsinnut tikeraartoq
Bo Groth Christensen Ilulissanut, Sisimiunut Nuummullu angalavoq sinittutut pissuseqalersitsisarnerminik takutitseqattaarluni.
– Aatsaat siullermeersumik Kalaallit Nunaanniippunga. Maanngarsimavunga nuna takuniarlugu misigisaqarfiginiarlugulu. Ilulissaneereerpunga takutitsiartorlunga, ingerlalluarsimaqaarlu. Inuit illarrapput tamannalu peqatigalugu eqqarsaatissarsillutik, Bo Groth Christensen oqarpoq.
– Takutitsinikka aallartittarpakka oqaluttuaralugu sinittutut pissuseqalersitsineq qanoq ililluni ikiuutaasinnaasoq pujortartarunnaarnissamut, timmisartornermut ersinermut, anniaatinut, soraarummeernermi annilaanganermut ilaallu ilanngullugit. Tamatuma kingorna piumasut scenemut qaaqqusarpakka sinittutut pissuseqalersitsineq misilinniarlugu.
– Sinittutut pissuseqalersitsinermi qungujunnartunik aallaaveqartarpunga. Tamanna tamatigut quianartartorujussuuvoq aliikkutaasaqalunilu, naakkinarsaasoqassanngilarli piumassuserinngisaminnilluunniit iliuuseqartitsisoqassanani, Bo Groth Christensen oqarpoq.
Takutitsineq akunnerup affaata missaanik sivisusseqartarpoq.
Bo Groth Christensen Nuummi katersortarfimmi misigineqarsinnaavoq tallimanngorpat nalunaaqutaq 16.00-imiit 17.30-imut arfininngorpallu nalunaaqutaq 15.00-imiit 16.30-imut.