Skip to main content

Kalaallit Nunaanni imigassaarniarneq matuneqarli

– Imigassaarniarneq Qaanaami kisimi matuneqassanngilaq, Kom Godtfredsen, Nuummi kommmunalbestyrelsimut ilaasortaasoq (S) oqarpoq

Sermitsiap atuartartuni kajumissaarpai imigassamik oqallinnermi peqataaqqullugit. ILLIT isummat pillugu uunga mailimik nassiussigit irene@sermitsiaq.gl

Kim Godtfredsen Nuummeersoq isumaqarpoq Naalakkersuisut Inatsisartullu imigassamik politikkeqannginnerat pissutigalugu matusisoqarlunilu inuiaqatigiinni ajalusoortoqartartoq.

Kim Godtfredsen: – Qaanaami imigassap matuneqarnera tupigusuutigalugulu mamiatsaatigaara. Tamatumunnga sumiginnaaneq inummmillu ataatsimit (Karen Littauer, aaqqiss.) oqaluttuat sussaanngitsut tunngavigitinneqarpata oqartussaasut imigassamut poltiikkeqanngillat!

– Meeqqat ilatsiinnagaalluinnarput, angajoqqaavi aalakoortorujussuullutik angalaartut pisariaqartinneqarnerpaasaannik isumaginagit.

Taaatut Avannaani Qaanaami inuiaqatigiinni meeqqat atugarisaat Karen Littauerip allaaserai.

– Pisoq allaaserineqartoq tamannarpiaq pivoq Nuummi, Qaqortumi, Narsami, Tasiilami il.il. Inuiaqatigiit ajornartorsiutigaat Qaanaap kisimi ajornartorsiutiginagu.

– Imigassamik tuniniaanermut politikki maannakkullu killilersuinivut nalilersoqqinneqassapput.

– Nuummi pisiniarfeqarpugut imigassaarniarfinnik 25-it sinnilinnik, neriniartarfinnilu tamangajanni imigassaarniartoqartarpoq. Stockholmimi 1,5 millioninik inulimmi pisiniarfiit imigassanik tuniniaasut 23-iupput! Imigassaarniarneq annikillisartariaqarparput aaqqissuullugulu imigassarsisinnaanermullu ukiut killissarititat 21-inut qaffallugit, Kim Godtfredsen oqarpoq.

– Ullumikkut nalunaaqutaq 09.00-imiit 18.00 tungaanut imigassarsisoqarsinnaavoq. Sooq 09.00-imiit 18.00-imut, suna tunngavilersuutigalugu? Imerajuttut angajoqqaallu sapaammi sumorsuaq nangeqqittartut, tamakkuami qitornaat ataasinngornikkut atuariartortussat? Sapaatikkut imigassaarniartarneq MATULI, Kim Godtfredsen isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER