Skip to main content

Najugaqartut peqatigiiffiat meeqqanut inuusuttunullu isersimaartarfiliorpoq

Isersimaartarfiup meeqqat pinerlunniarnermit aserorterinermiillu ingalassimatissavai.

– Isersimaaarfik iluaqutaasorujussuuvoq, Narsap kommuneani pinaveersaartitsisoq Bolethe Stenskov oqarpoq.

Narsami meeqqat ataatsimoorlutik nuannisaarfigisinnaasaminnik isersimaartarfittaarsimapput.

Meeqqat inuusuttullu blokkini najugallit unnukkut ataatsimoorfissaqarnikuungillat. Meeqqat susassaaleqillutik majuartarfeqarfinni arpaqattaarlutillu, nipiliorlutillu, allaasaallutillu, pinerluttuliorlutillu aserorterisarput.

Meeqqallu ilaatigut eqqaaveqarfik kialaartarfittut atortarpaat.

– Narsami klubbeqareeraluarpoq, meeqqalli taanna atortanngilaat.

Suleqatigiissitaq INI najugaqarfiutaani 129-mi 130-milu najugallit sinniisaanniik pinaveersaartitsisumillu Bolethe Stenskovimik inuttalik aaqqiissutaasinnaasumik isumasaarsiorsimavoq.

– Aalajangerpugut meeqqat inuusuttullu isersimaartarfiannik pilersitsissalluta. Suleqatigiit inimik piukkunnartumik nassaarput, isersimaartarfittaarlu »Nanooraq«-mik atserneqartoq decemberimi ammarneqarpoq.

Inuit marluk meeqqanik sullissisuupput.

 

Meeqqat itigartinneqartarput
Meeqqat isersimaartarfimmi sammisinnaavaat arsaattuusaarutit, bob-it, qalipaaneq, titartaaneq, sapangaaqqerineq, DVD-nik isiginnaarneq nipilersukkanillu tusarnaarneq.

– Isersimaartarfik meeqqanut blokkini najugalinnoortuuvoq. Meeqqanilli avataaneersunik aamma aggiasoqartarpoq.

– Unnuit ilaanni klubbimi meeraqarpallaaraangat meeqqanik itigartitsisoqartariaqartarsimavoq.

Meeqqat sisamat 14-inillu akornanni ukiullit isersimaartarfimmiittarput.

– Siornatigut angajoqqaat qitornamik sumiiffissaqartannginnerat majuartarfeqarfinnilu nipiliortarneq maalaarutigisarpaat. Isersimaartarfeqalerneratigulli aserorterisoqannginnerulerlunilu blokkini meeqqat imminnut susassareqqatigiinnerulerput, Bolethe Stenskov oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER