Skip to main content

Spegepølsit bakteriaqarsinnaasut

Suliffeqarfiup Farre A/S-ip spegepølsiliarisartagaasa ilaat napparsimalernartunik bakteriaqalersimagunarput.

Danmark-imi Inuussutissanut Aqutsisoqarfiup nalunaarnera naapertorlugu Statens Serum Institut ilisimatitsisimavoq suliffeqarfiup Farre A/S-ip spegepølsiliarisartagaasa ilaat napparsimalernartunik bakteriaqalersimagunartut.

Coop ilisimatitsisimavoq spegepølsit suliffeqarfimmit tassanngaanneersut Kalaallit Nunaanni Brugsen-inut nassiussorneqarsimasut, kisiannili pasineqartorpiaat spegepølsit taaguuteqartinneqartut ”Den økologiske Slagter”–imeersut 220 imaluunniit 500 gram-inik oqimaassuseqartut kingullerpaamik ullussaqartinneqartut 22. maj 2007 ilumut Kalaallit Nunaanut nassiunneqarsimanersut qularnaarlugu ilisimaneqanngilaq.

Nerisassiat januar-imi suliarineqarsimapput januar-illu naalernerani februar-illu aallartinnerani nassiussuunneqarsimallutik, taamaattumik Uumasut Nakorsaasa Qullersaqarfiat naliliivoq spegepølsit taakkorpiaat Kalaallit Nunaanni Brugsen-inut nassiussuunneqarsimassappata pisiassaarpiarunnaalersimassasut. Pisisoqarsimassappallu angerlarsimaffinni pigineqariaannaammata pisisartut taama ittunik pisisimasinnaasut kaammattorneqarput igeqqullugit imaluunniit pisiffigisaminnut uterteqqullugit.

Bakterie spegepølsiniittutut pasineqartoq type E. coli-mik taaguuteqarpoq, pingaartumillu meeqqanit mikinernit inunnillu peqqissutsimikkut sanngiillisimasunit naarluutigineqarsinnaalluni. Bakterie annertunerusumik napparsimalissutaasinnaanngilaq. Narluutiginnilersimasunik nalunaarutit amerlanerpaat Danmark-imi meeqqaneersuupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER