Skip to main content

3. aamma 7. klassini atuartunut killiffimmi misilitsinneq

3. aamma 7. klassini atuartut tamarmik sap akunnerini marlunni tulliuttuni killiffimmi misilitsinnermi peqataassapput. Misilitsinnerit tunngaveqarput Atuarfitsialaap aaqqissuuteqqinneqarneranik.

3. klassini atuartut fagini kalaallisuumi, qallunaatuumi matematikimilu misilitsissapput, 7. klassini atuartut kalaallisuumi, qallunaatuumi, matematikimi tuluttuumilu misilitsissallutik.

Killiffimmi misilittsinnerit soraarummeernerunngillat, aammalu angusinngitsoortoqarsinnaanngilaq. Misiliinikkut taamaallaat siunertaavoq sammisaqarfinni arlalinni fagitigut piginnaaneqarnerit qulaajarnissaat, taamaasillunilu paasiniarlugu siunissami suut pingaartinneqassanersut ineriartortinneqassanersullu.

Killiffimmi misilitsinnerit ukiuni kingullerni pingasuni Inerisaaviup naliliinermut immikkoortoqarfiani ineriartortinneqarlutillu misiligarneqarsimapput, ilaatigut professor Peter Allerup Danmarks Pædagiske Universitetimeersoq kiisalu Kalaallit Nunaanni ilinniartitsisut arlallit suleqatigalugit, taamatut paasissutissiivoq Inerisaavik.

Killiffimmi misilitsinnerit inerneri ataavartumik tamanut saqqummiunneqartassapput Inerisaaviup quppernerani nittartakkami.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER