Pernille Aalund Nuummut tikeraalerpoq
TV-mi aallakaatitassiortartoq, aviisini qalipaatigissaartuni Q-mi aamma Kig Ind-imi aaqqissuisoq, atuakkiortoq il.il. Pernille Aalund Nunatta Atuagaateqarfianut oqalugiariartulerpoq nunatsinnut takornariaatigaluni.
Annonse
Maria Nielsen-ip Pernille Aalundip atuakkiaa: ”Hvad du ønsker, skal du få” (Angorusutatit angussaqqaarpatit) atuareerlugu atuakkiortup nunatsinnukarnissaa aaqqissuussimavaa. Atuakkiortup atuakkiamini imaritippaa inuuneq pilluarnerlu nammineq inuttut ataasiakkaatut akisussaaffigigipput, taamaalillutalu angorusutavut annikitsunnguit annertuulluunniit angusinnaagigut allaaserisimallugu.
Pernille Aalund sapaammi 29. april 2007 nal. 14.00 oqalugiassaaq. Inissaq killeqarmat Nunatta Atuagaateqarfiani isissutissat bilitsit atorneqassapput, bilitsillu pisiarineqarsinnaalissapput ataas. 16. aprilimiit. Iserneq 50,-kr.