Skip to main content

S-61 sakkortuumik mittoq

S’61 qulimiguulik sermip eqqaani sakkortuumik missimasoq

Air Greenlandip qulimiguulia S’61-eq Ilulissaneersoq ualimut nal. 15 missaani Ilulissani Kangiani sermimut takornarissanik angallassitilluni saqqortuumik mippoq. Sakkortuumik minneranut motooriminik akornuteqalernera patsisaasinnaavoq. Issimasuni 27-iusuni ajoqusertoqanngilaq.

Qulimiguulik 24-nik ilaasoqarpoq 3-nillu inuttaqarluni. Sakkortuumik minnermi inunnik ajoqusertoqanngilaq.

Maannakkorpiaq Air Greenlandip ilaasut qulimiguulik Bell 222 atorlugu ilaasunik Ilulissanut assartuipput. Pisoq pinartuusimanngitsoq Air Greenlandimi Tuniniaanermut Nittarsaassinermullu pisortap Christian Keldsenip oqaatigaa, ilaasullu Hotel Arcticimut katersuutsinneqassapput, tassanilu upalungaarsimanermi pissusissaq naapertorlugu tarnip pissusaanik ilisimasalinnik oqaloqateqarnissamut neqeroorfigineqassallutik.

Pisumi pissusissat ajunngitsumik ingerlanneqarput, qulimiguulilli nammineq Ilulissanut utersinnaassanngilaq.

Air Greenlandimi ullunut tulliuttunut timmisartuussinissanut nutaamik pilersaarusiortoqarpoq, qulimiguuliup timmisartuusseqqinnissaa naatsorsuutigineqanngimmat. Qanoq ajoqusersimatiginera suli ilisimaneqanngilaq.

Ilaasut aallarfissaat allanngortinneqartut Air Greenlandimit nalunaarfigineqassapput. Naatsorsuutigineqarpoq Nuummiit immikkut timmisartuliinikkut aaqqiisoqassasoq, timmisartuussiffissallu arlaqartut allanngortinneqarsinnaassasut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER