Edb-systemitoqaq kommunit atorunnaarpaat

Ukiuni 17-ini Informatik aamma Supermax atoreerlugit kommunit maanna ataatsimut atuuttumik Internetimik tunngavilimmik tamakkiisumik atugaqalerput.

Ukiut tusintit nikinnerannut atatillugu naleqqussaanerujussuup aammalu hardware-nik siammaarsaatini assigiinngitsuni nooqattaareernerup kingorna, kommunit ataatsimut edb-mik ingerlatsivianni "Informatik"-imi ukiuni kingullerni 10-12-ini pivisumik ineriartortitsisoqarsimanngilaq.

Systemi ataatsimut atugaq

Kommunit IT-selskabiannik Kanukokap pilersitsinerani assigiinngitsunik ajornartorsiuteqartoqareernerata kingorna kommunit arlallit aalajangerput IT-mik ineriartortitsineq namminneq ingerlateqqinniarlugu.

Sulisunit pigineqartoq KIMIK IT "assannik niaqqunillu" pilersuisuliullugu kommunit tamakkua systemimik nutaarluinnarmik ineriartortitsisimapput, WinformatikR, interneteqarnermi teknologimi nutaalianik kingullerpaanik sananeqaatilik.

Aaqqiissutaavoq systemi ataatsimut atugaq, systeminulli ataatsimut atukkat akerleralugit WinformatikR tunngaviulluinnartumik Kalaallit Nunaanni pisortat ingerlatsiviini atugassatut ineriartortinneqarsimavoq. Tamanna peqatigalugu aaqqiissutissaq web-iinnavimmik tunngaveqartinneqarmat, kommunit kattunnissaannut piareersarneqareersimavoq, tamatumani IT-kut aaqqiissutissat nunami isorartoqisumi atuuttussatut ingerlanneqarsinnaassallutik.

Powered by Labrador CMS