Skip to main content

Sakialluut TB AG-mi tuniluuttoq

AG-mi sulisut affai sinnerlugit TB-mut katsorsartipput.

- AG-mi sulisoq ataaseq 2006-imi sakialluummik napparsimalersimavoq, tamatumalu kingorna sulisunit 15-init arfineqpingasut TB-mik tunillatsissimapput taamalu pinaveersaartitsissutaasumik katsorsartilersimallutik. Sulisut taakku arfineq-pingasut mantoux-mik misissueriaaseq peqqinnissaqarfimmit qaammatit pingasut ingerlanerini marloriarluni ingerlanneqarsimasoq atorlugu misissortikkamik tunillatsissimasutut qisuariarsimapput. Sulisoq ataaseq puammigut ersiuteqalersimasoq paasineqarpoq. Dronningi Ingridip Napparsimmavissuani TB-mut immikkoortortaqarfimmit AG-mi sulisut napparsimannginnerat erseqqissaatigineqarpoq. Taamatuttaaq tunillaassuinngillat. Tunillatsissimasut ilaat 15 procentiinnaat katsorsarneqanngikkaangamik ukiut marluk ingerlanerini sakialluummik napparsimalersarput. Sakialluut nappaatinnguunnermini taamaallaat tunillaassulersarpoq, AG allappoq.

Kikkut tamarmik pinaveersaartitsissutaasumik katsorsartinniarlutik aalajangersimapput, ukiup affaani antibiotikamik katsorsarneqarnermik imaqartumik. Nappaatitoqqap siuaasatsinnit toqoraatigineqarsimasup tuniluussimanera sulisut akornanni tupaatigineqaqaaq. Aaqqissuisuuneq Stina Skifte oqarpoq, nalornineq ilisimasanillu amigaateqarneq sullivimmi uivertoqalerneranut pissutaasimasut. Aaqqissuisuuneq erseqqissaalluni oqarpoq, AG-mi sulisoqarnermut politikkip torersaarnissamullu malittarisassat sukaterneqarnissaat pisariaqarsimasoq. - Sulisunit taamaaliortoqarnissaanik annertuumik kissaateqarneq tunngavigalugu taama pisoqarpoq, Stina Skifte oqarpoq.

Aviisimilli pisartagallit ernumassutissaqanngillat, aviisimi naqitaq naqiterivimmiit toqqaannartumik agguaanneqartarmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER