Nettimi nutaarsiassanik atuartartut amerliartorput
www.sermitsiaq.gl-imi nutaarsiassat nunatsinnut tunngasut amerliartuinnartut atuartarpaat
Sermitsiap nittartakkakkut aviisia marsip 8-aani aatsaat taama atuarneqartigaaq. Ullup ataatsip ingerlanerani isertut 12.667-it nutaarsiassanik atuarput. Marsip 13-iani aamma amerlaqisut, tassa 12.191-it iserput.
Ullut allat ataasinngornermiit tallimanngornermut nalinginnaasumik 10.000-it missaat isertarput. Februaarip naanerani maluginiarparput weekendini isertartut amerlisimaneri, naak aallartikkattali weekendini atuartukissimagaluarluta – 2.000-iusimasut agguaqatigiissillugu 4.500-nngorsimagamik.