Skip to main content

Ajutuulernermi kalerrisaarutit nutaat atussagaanni radiomik atuisinnaanermut allagartaqartariaqarpoq

Radioforvaltningimeersoq Hans Vilhelm Rasmussen ilisimatitsivoq, ajutuulernermi kalerrisaarutit nutaat, APIRB, atussagaanni radiomik atuisinnaanermut uppernarsaammik aannalu kalerrisaarinermut ilisarnaammik/kinaassutsimut ilisarnaammik peqartariaqartoq

Yama-Tek Nuummiittoq EPIRB-nik tigummisartakkanik nioqquteqalersimavoq - ajutuulernermi kalerrisaarutit, imaani qaqqaniluunniit angalatillutit ajutuulissagaluaruit sumiinninnik kinaaninninnerlu takutitsisinnaasut. EPIRB tassaavoq »Emergency Position-Indication Radio Beacon.

Radioforvaltningimeersorli Hans Vilhelm Rasmussen oqarpoq, EPIRB-it atussagaanni radionik atuisinnaanermut allagartaqartariaqarlunilu kalerrisaarinissamut/kinaassutsimut mormumik peqartariaqartoq.

– EPIRB-it imaluunniit PLB-it (personal locator beacon) tigummiartakkat pitsaasuupput. Ilisimasariaqarporli atuisussaq radiomik atuisinnaanermut uppernarsaannik aammalu kalerrisaarinissaamut/kinaassutsimut normumik peqartussaammat. Kalerrisaanissamut/kinaassutsimut normutaarumalluni qinnuteqaat Radioforvaltningimut nassiunneqassaq. Kalerrisaarinissamut/kinaassutsimut normumik qinnuteqarnermut atatillugu qinnuteqartup aamma nammineq inuttut normuni angerlarsimaffimminnilu telefuunimik normu tunniutissavai, Hans Vilhelm Rasmussen oqarpoq.

Radiukkut atortuutit Kalaallit Nunaanni tunineqartut pitsaasuussagunik CE-mærkeqartariaqarput. Ukiualuit siornatigut (1990-ikkut missaanni) Nuummi radiuerniat ilaat PLB-nik aallartiasorujussuarnik nioqquteqaraluarpoq. Tamatumalu kingunerisaanik akisoorujussuarmik ujaasisoqarnikuuvoq, sunaaffa aavariap nammattakkani nakkartikkamiuk piarinaatsoorluni PLB-ni aallartittoorsimagaa.

PLB-it taamaattut kinaassutsimut uppernarsaammik ikkussivigineqarsinnaasimanngillat.

Sermersuakkut angalasut Tunumiluunniit nunamut eqqissisimatitamukartussat tamarmik PLB-qartussaapput. Taamatullu aamma qaqugu allarnissartik, aqqutissartik qaqugulu tikissanganertik oqaatigisartussaavaat. Radioforvaltningi ukiut tamaasa angalasussanit 60 - 100-init nalunaarfigineqartarpoq. Kalaallit Nunaanni manna tikillugu PLB-it quliunngitsulluunniit nalunaarutigineqarsimapput, Hans Vilhelm Rasmussen ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER