Sarfaq ittuk anorersuartumi ajoquserpoq

Sarfaq Ittuk tallimanngornermi marsip 16-iani Aalborgimit Nunatsinnukarluni aallarpoq. Sapaammi ullaakkut Nordsømi Skagenip kitaani 300 sømilinik avasitsigisumi anorersuarsiortilluni aquttarfiani igalaat pingasut aserorput. Inuttaq ataaseq annikitsumik ajoquserpoq, qujarnartumilli annertuumik ajoqusertoqanngilaq.

Umiarsuaq Danmarkimut iluarsaatsikkiartorluni uterpoq. Sapaatit akunnerata matuma aggersup ingerlanerani Sarfak Ittuup angalanissaanut nutaamik pilersaarusiortoqassaaq, maannakkummi suli nalunarallarpoq aquttarfimmi qanoq annertutigisumik aserortoqarsimanersoq aammattaaq umiarsuup qaqugu Nunatsinnut aallarnissaa suli nalunarallarluni.