Skip to main content

M/B Sinniisoq Qaqortumiit Nanortalimmut angallassissaarpoq

M/B Sinniisup Qaqortumiit Nanortaliliartarnera Alluitsup Paa aqqusaarlugu unitsiinnarneqarpoq, ilaasukippallaartarnera pillugu akilersinnaanngimmat

Sulisartut Højskoliata nalunaarutigaa M/B Sinniisup Qaqortumiit Nanortaliliartarnera Alluitsup Paa aqqusaarlugu unitsiinnarneqarmat, tassa ilaasunik angallassisarnerit Nanortalimmut ullumikkumiit unitsinneqarput imminut akilersinnaannginnera pissutigalugu. Pissutaasunut aamma ilaatinneqarpoq Nanortaliup silarluttarneranik aammalu sikorsuit pissutaallutik tikikkuminaannera.

M/B Sinniisoq februaarip aallaqqaataaniit Qaqortumiit Nanortalimmut Alluitsup Paa aqqusaarlugu angallassisalersimagaluarpoq, kisiannili ilaasut ikittuaraannaat ilaasarsimapput, aammalu kinguaattoornerit pisarsimapput silarluttarneranik pissuteqartumik imaluunniit sikorsuaqarnera pissutigalugu. Taakku kinguartoornerit peqqutigalugit ilaasut allatigut angalaffissarsisimanerinik imaluunniit ilaasussaagaluit uniinnarnerinik kinguneqartarsimapput.

Kujammut angallassinerrmik unitsitsiinnarnermut peqqutaaqataasut ilagaat Sulisartut Højskoliat Naalakkersuisunut tapiiffigeqqullutik qinnuteqarsimagaluarmat, kisiannili itigartitsissutigineqarluni.

M/B Sinniisup Narsaliartarnera ingerlaannassaaq pilersaarutit malillugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER