Aalisarneq piniarnerlu kinaasutsimut pingaaruteqarput

Issittumi nunat inoqqaavi piniariarlutillu aalisariartarput, tamanna ilaqutariinnut aningaasanik akeqartaraluartoq.

Fiskeri giver ikke altid overskud.

Tamanna nunani tamalaani inuuniarnermi atugassarisat pillugit misissuinerup SLiCA-p kisitsisini saqqummiukkallagaani takuneqarsinnaavoq.

Kisitsisut takussutissaagallartut tamanut saqqummiunneqarput Nunani Tamalaani Issittut Ukiuannut atatillugu.

Misissuineq malillugu inuit quliugaangata qulingiluat isumaqarput qangatut sammisartakkamik aallunnissaat kinaassutsiminnut pingaaruteqartoq. Sammisallu ima pingaaruteqartigaat ilaqutariippassuit aningaasat sulinermikkut pissarsiarisimasatik piniarnermut, aallaaniarnermut aalisarnermullu atorusuttarlugit.

Tamanna tunuliaqutaralugu nalunaarusiaq inerniliivoq nunat inoqqaavisa sammisartagatoqqatik ilisimagisamit annertunerusumik aalluttaraat, akissarsiorluni sulisarneq kitaamiorpasinnerusumillu inooriaaseqarneq ukiut 40-t matuma siornatigut Issittumi atugaalermata.

Inuuniarnermi atugassarisat pillugu misissuineq pivoq nunat inoqqaavisa taakkualu kattuffiisa, tassa Inuit Circumpolar Council-ip, Samerådetip aammalu russit nunataanni nunat inoqqaavisa kattuffiata RAIPON-ip kiisalu ilisimatuut USA-meersut, Canadameersut, Kalaallit Nunaanneersut, Danmarkimeersut, Ruslandimeersut, Norgemeersut, Sverigemeersut Finlandimeersullu, peqatigiinnerisigut.

Paasisat tamanut saqqummiunneqartut tunngaveqarput inunnik 7.000-inik apersuisimanernik.

Paasisaagallartut quppernermi nittartakkami uani takuneqarsinnaapput www.arcticlivingconditions.org

Powered by Labrador CMS