Skip to main content

Peqqinnissamik nakkutilliisoq: Pissuterpassuit pitsaaliorsinnaapput

Inuusuttuaqqani kinguaassiuutitigut nappaaterpassuit, naartuersinnerit naartunerillu suli atugaapput

Peqqinnissamik nakkutilliisup 2005-imut ukiumut nalunaarutaata takutippaa inuusuttuaqqat, pingaartumik angutit, akornanni imminornerit ajutoornerillu amerlasoorujussuusut. Tamanna peqatigalugu tuberkulose suli atugaasorujussuuvoq.

– Paasissutissat amerlasuut Peqqinnissamik nakkutilliisup pissarsiarisimasai tassaapput pissutsit pitsaaliorneqarsinnaasut. Assersuutigalugu kissaatiginngisamik naartunerpassuit, arnat inuusuttuaqqat akornanni naartunerit aammalu kinguaassiuutitigut nappaatit, pingaartumik chlamydia aamma gonoré. Pingaaruteqarpoq naartunaveersaatinik atuinermik, pingaartumik usuup puuinik, paasisitsiniaanerup aammalu anguniagalimmik suliniuteqarnerup ataqatigiissarnissaat, pissutsit taamaattut ikilisinniarlugit, aammattaarli pinngitsoorniarlugu inuusuttut akornanni HIV-p siammartialeriataannginnissaa, peqqinnissamik nakkutilliisoq allappoq.

Peqqinnissamilli nakkutilliisup ukiumut nalunaarusiaani pitsaasortaqarpoq, assersuutigalugu erninermut atatillugu arnanik toqusoqarneq ajortoq, meeqqat inunngornerminni aammalu ulluni siullerni 7-ini inuunerminni toqusartut ikilisimasut, naartusut 97%-iisa missaanniittut naartunerminni minnerpaamik ataasiarlutik nakorsamit misissorneqartartut, naartusut 60%-iisa missaanniittut naartunerminni minnerpaamik tallimariarlutik juumuumit misissorneqartartut aammalu meeqqanut akiliuussutissanik kapuuinermi peqataasoqarluartartoq.

Peqqinnissamik nakkutilliisup ukiumoortumik nalunaarusiaa uani atuarneqarsinnaavoq www.anloq.gl/eli

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER