Skip to main content

Eqqartuunneqartartut ikiliartortut

2005-imi eqqartuunneqarsimasut 1999-imi eqqartuunneqartutut amerlatigipput.

Inuit, kredsretimi landsretimiluunniit eqqartuunneqarsimasut 2004-mi 2.126-iniit 2005-imi 1.922-inut ikileriarsimapput, taamaasilluni 1999-imi eqqartuunneqarsimasutut amerlatigalutik.

2000-imi inuit eqqartuussivikkut aalajangiivigineqartut annertuumik amerleriarput, 1999-imi 1.921-iniit 2.138-inut. Ukiuni tulliuttuni pingasuni eqqartuunneqartartut ikileriarput, 2004-imili 2.126-inut amerleriaqqillutik.

Tamanna takuneqarsinnaavoq "Kalaallit Nunaanni pinerluuteqarsimasunut kisitsisitigut takussutissat 1996-2005", Kalaallit Nunaanni Naatsorsueqqissaartarfiup tamanut saqqummiuteqqammisaani.

Tassani tamanut saqqummiuteqqammisami pinewqarput piffissami 1996-imiit 2005-imut pinerlunnikkut aalajangiivigineqartut tamarmik. Ilanngullugu misissorneqarsimavoq inuit siusinnerusukkut pinerluuteqarsimasut qanoq amerlatigisut nutaamik pinerloqqissimanersut. Inuit nutaamik pinerluuteqarsimasut misissuiffigineqarneranni aallaaviupput inuit ukiuni 1996-imi, 1998-imi imaluunniit 2000-imi pineqaatissinneqarsimasut.

Pinerluuteqartarnermi ineriartorneq

Pinerluuteqartarnerup ineriartornerani quppernermi tullermi takuneqarsinnaasumi kinguaassiuutitigut pinerluuteqarsimasut 1996-imiilli amerlartorsimapput. Kinguaassiuutitigulli pinerluuteqarsimasutut pineqaatissinneqartut 2005-imi ikileriarsimapput, 2004-mut sanilliullugu, 2003-misulli amerlatigalutik. 2005-imi pinngitsaaliisutut meeqqanillu kinguaassiuutitigutt atornerluisimasutut pineqaatissinneqwartut 40-uullutillu 23-iupput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER