Skip to main content

Arnat suli inuuneqqortunerupput

Angutit agguaqatigiissillugu taamaallaat 65-iliisarput, arnat agguaqatigiissillugu 70-iliisartut.

Nunatsinni agguaqatigiissillugu inuusarneq sivitsoriartulaarpoq, tamatumalu kingunerisaanik ukioqqortussuseq eqqarsaatigalugu nunani avannarlerni nunat qanilliartuaalaarpavut. Peqqinnissamik nakkutilliisup 2005-imut ukiumoortumik nalunaarutaani allassimavoq Kalaallit Nunaat nunanut avannarlernut allanut taamaallaat ukiunik 10-niit 14-inut kinguaqqalersimasoq.

Ukioqqortussuseq qaffakkiartuaalaaraluartoq ukiuni kingullerni 20-ini pigissaarnerup annertuserujussuarnera inuiaqatigiit inuunerup sivitsornissaanut nuutsikkuminaatsippaat, peqqinnissamik nakkutilliisoq KNR Radioavis malillugu naliliivoq.

Ukiumut nalunaarut malillugu tamatumunnga pissutaapput ajutoortarnerpassuit toqumik kinguneqartartut, inuusuttut akornanni imminortarnerpassuit, tupatorneq pissutigalugu toqujaartarnerit kiisalu peqqinnissaqarfiup atugassarisai naammanngitsut.

Angutit 2004-mi 65-it missarpiaannik ukioqalertarput, arnat agguaqatigiissillugu 70-it sinnerlugit ukioqalertarlutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER