Skip to main content

Suliffissat nutaat

Tasiilami borgmesteri illoqarfimmi isertitsisarfiliortoqarnissaanut qilanaarpoq

Illoqarfimmi isertitsisarfeqalerpat suliffissat amerlanerulissasut, borgmesteri Vittus Mikaelsen naliliivoq.

– Eqqartuussiveqarnermut tunngasut ukiorpassuarni oqallisaasorujussuunikuupput, uagullu 1990-ikkunni tusarniaaffigineqaratta Tasiilami matoqqasumik parnaarussiviliortoqarnissaa kissaatiginerarneqarnikuuarput. Taamaattumik iluarsaaqqittoqarnissaa tusarakku tupaallannanga nuannaaginnarpunga. Tamanna Tasiilami suliffissaarusimasut ikilinissaannik kinguneqassammat, Vittus Mikaelsen sermitsiaq.gl-imut oqarpoq.

Eqqartuussiveqarnerup iluarsaateqqinneqarnerata kingunerisaaniik Tasiilami 2012-imi 2013-imiluunniit atorneqalersussamik isertitsisarfiliortoqassaaq.

– Isertitsisarfik Tasiilami suliffissanik nutaanik kinguneqassaaq. Maani illoqarfimmi ataavartunik suliffissaateqanngingajappugut, taamaattumillu suliffissaaleqisoqartaqaluta. Isertitsisarfeqalerpat sullissinerup tungaatigut suliffissaqalissaaq, kisiannili aamma avataaneersunik immikkut ittumik ilinniarsimasunik sulisoqassalluni, borgmesteri oqarpoq.

Illoqarfimmi isertitsisarfiliortoqarnissaa Tasiilap Kommuneata kissaatigimmagu innuttaasut atsiornernik katersuisimapput.

– Innuttaasut qulit missaanniittut pinerluuteqarsimasunik illoqarfeqateqalernissartik isumakuluutigaat. Pinerluuteqarsimasunik illoqarfimmi naapitsisalernissartik ersissutigalugu. Uangali tamanna isumakuluutiginngilluinnarpara. Isertitsisarfeqalernissarput pissutigalugu Tasiilaq illoqarfittut ulorianarnerulernavianngilaq. Silarsuarmi sumiiffinni assigiinngitsorpassuarni isertitsisarfeqarpoq, tamakkulu ajunngivissumik ingerlapput, borgmesteri oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER