Kalaallit Nunaanni P-dag qinigassartakitsoq

Kalaallit Nunaanni pårskimut immiukkat ikittunnguuniartut Danmarkimi qinigassat 100-it sinneqarput

Tallimanngorneq 16. marts Kalaallit Nunaanni P-dag-iussaaq. P angisooq tassa Påskebryg, Carlsbergillu Tuborg Påskebryg qappiulaartuinnaq saqqummiuppagu taava påskingajalersimassaaq. Assartuinermi periarfissat pissutigalugu Påskeni immiukkat Kalaallit Nunaanni tamarmi pineqarsinnaassanngillat, Nuummili immiaaralerituut martsip 22-iannii Tuborg Påskebryg påskillu immiaaraa Godthaab Bryghusimeersoq qinigassarissavaat.

Danmarkimili iluarisassarsiorneq ajornakusoornerussaaq, påskimut immiukkat 100.-it sinnillit pisiniarfinni qinigassaassammata. Danmarkimi nutaanik immiorfippassuaqalernikuunmmat påskebryggit ukiormanna amerlasoorpassuusussaapput.

Ullumikkut tallimanngornermi Danmarkimi P-dagen nalliussuvaat påskebrygginik assigiinngitsorpassuarnik saqqummiussillutik - atuisartunut paatsiveerusimaarnartumik, nuannersumik aalakoornartumillu.

Danmarkimi immiorfiit 19-iusimagaluartut ukiut arfiniliinnaat ingerlanerini 90-nut amerlisimanerat pissutaalluni påskimut immiukkat qinigassat amerleriarujussuarnikuupput. Ullumikkullu Danmarkimi immikkat taamaattut qasserpiaanersulluunniit ilisimaneqanngilaq.

Maanili Kalaallit Nunaanni uagut ukiorpassuarni Nuuk Imermi maqinneqartartut Carlsbergimeersut aamma Royal Unibrew naammagisarisaqartarsimavagut. Massakkulli neriunartoqarnerulerpoq: Godthaab Bryghus Nuummi imerniartarfinnut neriniartarfinnullu immiaaqqanik assigiinnngitsunik pilersuilernikuuvoq. Immiaaqqat Narsami Greenland Brewhousemeersut puiaasanut maqitat aamma nunatsinni pineqarsinnaalernikuupput, junimilu Ilulissani Hotel Icefiordip Disko-Bryg namminneq immiorfeerartaaminneersoq saqqummiutissavaa.

Powered by Labrador CMS