Skip to main content

Qaqortumi mittarfissaq suliarineqartoq

Taamaattoq suli terminaalip illutai pillugit isumaqatigiissuteqartoqanngilaq.

Sapaat ulloq 27. aggusti Qaqortumi tamanut ammasumik qaaqqusisoqarpoq. Kalaallit Airport peqatigalugu canadamiut suliffeqarfiutaat Pennecon Heavy Civilip assiaquttat peersimavai, inuiaqatigiit takuniassammassuk suliaq sumut killinnersoq. Mittarfiup naammassinikup qanoq isikkoqarnissaanik takutitsisut maskiinat atortullu saqqummiunneqarsimapput aamma plakaatit takussutissat nivinngarneqarsimapput.

Aviisi Sermitsiaq taama allappoq.

Ukiup ataatsip affaalu qaangiutingajalerpoq Qaqortumi mittarfissami miffissamik sananiarlutik canadamiut suliffeqarfiutaat Kalaallit Airportilu isumaqatigiissummik atsioqatigiimmata. 2022 upernaakkut miffissaliorneq aallartippoq, mittarfiliorneq, terminaalip sumiiffissaanni sanaartorfigissaaneq, timmisartut aqqutaannik, timmisartut unittarfiannik, biilinut unittarfiit kiisalu Qaqortumut aqqusernup naammassineranik imaqarput.

Terminaalip illutassai pillugit nalornineq

Kisianni Penneconnip isumaqatigiissutaani terminaalip illutai ilaanngillat, Kalaallit Airporti taakkununnga sanaartugassanik suliarinnittussanik nassaarniarnera ajornarpoq. Pilersaarusiorluni ingerlanissamut  2022 oktobari MT Højgaard suleqatiginiarlugu atsioqatigaat, terminaalip illutassaanut tamakkiisumik suliarinninnissamut isumaqatigiissuteqarfigalugu. Sulilu taanna isumaqatigiinninniarfiusoq, Kalaallit Airportimi attaveqaqatigiinnermut pisortaq Mikkel Bjarnø Lund oqaluttuarpoq.

Aviisimi Sermitsiami atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER