Saarulliit tunisat ikileriarput
2022-mi saarulliit tunisat 2021-mut sanilliullugit ikileriangaatsiarput.
Saarulliit ikinnerusut – aamma qalerallit kinguppaallu ikinnerulaartut.
Pingaartumik saarulliit 2022-mi tunisat piffissamut tassunga 2021-mut sanilliullugit ikileriarput, Naatsorsueqqissaartarfimmit kisitsisit tamanna takutippaat, taakku ataasinngornermi saqqummersinneqarput.
2022-mi saarulliit 17.107 tonsit tunineqarsimasut, tassani atuarneqarsinnaavoq. Taakku 2021-mit 2.584 tonsinik ikinnerupput.
Qalerallit kinguppaallu
2019-imi 24.157 tonsit tunineqarput, tassa 2022-mit saarulliit 7.050 tonsinik amerlanerusut.
Saarulliit tunisat ikileriarnerat pingaartumik Tunumi avataasiornermit 2021-misut saarullinnik tunisisoqartiginnginneranik pissuteqartoq, Pinngortitaleriffik siornatigut ilisimatitsereerpoq.
Qaleralinnik kinguppannillu tunisineq piffissamut tassunga ukiup siulianut sanilliullugu nikippianngikkaluartoq, tunisat aamma ikileriarsimapput. (Ukiuni pingasuni kingullerni ineriartornerat uani ataani takuuk)
