Corona pissutigalugu uninngasuerussimasoq
Uninngasut sisamat misissorneqarmata covid-19-imik tunillatsissimasut paasineqarpoq, unitsinneqarnerannulli nappaat pissutaanngilaq.
Covid-19 pissutigalugu uninngasuerussimavoq imaluunniit covid-19 pissutaanerulluni unitsinneqarsimasut uninngajunnaarsimapput.
Nunatsinni Nakorsaaneqarfimmit tunillatsissimasut uninngasullu amerlassusaannik tallimanngornermi nutarterisoqarnerani ilisimatitsissutigineqarpoq.
- COVID-19 pissutigalugu uninngasoqanngilaq (Kategori 1) aamma uninngasoqanngilaq COVID-19-ip nappaammut sunniuteqarsimanera pissutigalugu unitsinneqarsimasunik, nappaalli alla ajoqulluunniit unitsinneqarnerannut tunngaviusimalluni, nunatsinni nakorsaaneqarfik allappoq.
Tunillatsissimasut nutaat 23-t
Uningasoqarporli sisamanik covid-19-imik tunillatsissimasunik, marluk Nuummi uninngallutik, ataaseq Uummannami ataaserlu Nanortalimmi uninngallutik. Covid-19-ili unitsinneqarnerannut pissutaasimanani.
Nakorsaaneqarfimmit tamatuma saniatigut ilisimatitsissutigineqarpoq, nunami tamarmi PCR atorlugu misissuisimanerit 63-it akissutaat sisamanngormat tiguneqarsimasut, tassanilu 23-t tunillatsissimasut takuneqarsinnaasoq. Tassa misissortissimasut 37 procentii tunillatsissimapput.
Sisamanngormalli napparsimasunik coronaviruseqartunik unitsitsisoqarsimanngilaq, napparsimasulli tallimat angerlartinneqarsimapput imaluunniit mattusimajunnaartinneqarsimapput. Nuummi sisamat Maniitsumilu ataaseq tassani pineqarlutik.
