Kalaallit Nunaanni nunanut allanut sillimaniarnermullu politikkimi paasisimasaqarnerulersitsisoqassaaq, Ilisimartusarfimmilu ilisimatusarfissaq nutaaq tamatumunnga ikiuutissaaq.

Ilisimatusarfimmit aamma kalaallisut oqaasilinnik ilisimatusarnermi piginnaasalinnik atorfinitsitsisoqassaaq kiisalu najukkani ilisimatusartartut nukittorsarneqarlutillu siunissami atuuttuarnissaat isumannaarneqassaaq.

Ilisimatusarfissamut atsiunneqarsimavoq, Nasiffik - Nunanut allanut sillimaniarnermullu politikkimi Ilisimatusarfik.

- Anguniagaraarput, nunanut allanut sillimaniarnermullu politikki pillugu ilisimasaqarnerup Kalaallit Nunaaanni misissoqqissaarneqartarnissaa - tassa Kalaallit Nunaat kisiat pinnagug - tassani ilinniagaqartut, najukkani inuiaqatigiit aalajangiisartullu ilisimasanik pissarsisinnaalissallutik, ilisimatusarfissaq tusagassiorfinnut nalunaaruteqarluni allappoq.

Ilisimatusarfimmi sulisussat

Ilisimatusarfimmi pisortaq: Rasmus Leander Nielsen
iIlisimatusartut pisortaat: Maria Ackrén
Ph.d.-nngorniaq: Sara Olsvig
Lektori: Jeppe Strandsbjerg

Ilisimatusarfik Namminersorlutik Oqartussanit danskillu aningaasanut inatsisaannit aningaasaliiffigineqarsimavoq.

Pissarsiffik: Nasiffik​​​​​​

Danmarkimi nunarpassuarnilu allani ilisimatusartunit Issittoq sammineqangaatsiarpoq. Taamaammat assersuutigalugu Danmarkimi ilisimatusarfinni atortut danskisuinnaq allassimapput. Ilisimatusarfissami nutaami saqqummiunneqartussatut pingaartinneqartut kalaallisut aamma saqqummiunneqartarnissaat pingaartinneqarpoq.

Nasiffik sisamanngorpat pisortatigoortumik ammarneqassaaq, novembarillu 23-ani Issittumi sillimaniarnermut politikki pillugu Ilimmarfimmi innuttaasunik ataatsimiisitsinissamut ilisimatusarfissaq aaqqissuusseqataasimavoq.