Skip to main content

Biili aallarunneqarsimasoq kussiukkamut nakkarsimasoq

Politiit pisumik takunnissimasinnaasunik ujaasipput, politiillu naapertorlugit biilimik piginnittoq biiliminik isumannaallisaasimannginnini pissutigalugu unnerluutigineqassaaq.

Kalaallit Nunaanni Politiit pingasunngornerup sisamanngornerulu akornanni unnuakkut nalunaaqutaq 03.45 innuttaasumit ataatsimit nalunaarfigineqarsimapput, biili Nuummi sukkasuumik mianersuaattumillu ingerlaartoq. 

Tamatuma kingunitsiannguatigut biili aqqusinermi Quassunnguani kussiukkamut nakkarsimavoq.

- Biili aallarunneqarsimasoq pineqartoq paasivarput, biilimilli ingerlatsisoq qimaasimavoq, kinaanersorlu naluarput, pigaartut pisortaat Malik Olesen oqarpoq.

Politiit taamaammat Quassunnguaq 12-ip silataani nalunaaquttap 04.50-ip missaani pisimasumik takunnissimasinnaasunik ujaasipputq.

- Ajoraluartumik aatsaat taamatut pisoqanngitsoq

- Ajoraluartumik aatsaat taamatut pisoqanngilaq, tamannalu eqqumaffiginiartarparput - pingaartumik unnuakkut. Qanittukkut tassunga assigusumik pisoqarpoq, inuup inuuneranik naleqartumik, Malik Olesen oqarpoq.

Ajutoornermi pigaartup pisortaata pisaani, angut 21-nik ukiulik Nuummi 400 vejimi ajutoornermi kingorna toqukkut qimaguppoq. Ajutoornissaq sioqqullugu biili illoqarfimmi sukkasoorujussuarmik ingerlaarsimavoq.

- Innuttaasunut kaammattuutigiinnarsinnaavara, biilinik sukkasoorujussuarmik ingerlaartunik takunnissagunik uagutsinnut nalunaaruteqaqqullugit, pigaartut pisortaat oqarpoq.

Piginnittoq unnerluutigineqassasoq

Pigaartut pisortaata ilanngullugu oqaluttuaraa, biilimik aallarunneqarsimalluni kussiukkamut nakkarsimasumik piginnittoq, biiliminik isumannaallisaasimannginnini pissutigalugu unnerluutigineqassasoq.

Pigaartut pisortaata oqaluttuarerusunngilaa, piginnittoq matumani pisumik qanoq iliorsimanersoq, oqaluttuaraali, assersuutigalugu biili parnaarneqarsimanngippat imaluunniit matuersaatai biilimiisiinnarneqarsimappata politiit unnerluussisartut. Taamatut pisoqarsimatillugu nalinginnaasumik akiligassiisoqartarpoq.

- Innuttaasut biiliminnik isumannaallisaasarnissaannik kaammattorpavut, tamatumani aamma assersuutigalugu piffissami sivisunerusumi peqartussaanani aallartussaagaanni. Biili uninngavissaminiinnersoq pillugu eqqaamiorisat nakkutiginnitsittartuuppata pitsaassagaluarpoq, Malik Olesen oqarpoq.

Kommunalbestyrelse asfaltiliorfik pillugu isummissapput

Saliinermi aningaasartuummik missingersuutaanngitsumik nassaartoqarpoq

Ukiut marluk matuma siorna sermersooq.gl-imi atuarneqarsinnaasimavoq Kommuneqarfik Sermersooq...

Borgmesteri taarsigassarsiassat milliardit pilgit: Aaqqiissutissani eqqarsaatigineqarsinnaasuni pitsaanerpaaq

Aningaasartuutissat nutaat matumani pineqanngillat – pitsaanerusuminguna aningaasalersuinissaq pineqaannartoq

Nuup qeqqani nunatsinni meeqqat atuarfiisa annersaat...

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER