Biilinik ajutoorujussuartoqarsimasoq: Angut biiliniit issugiussaasimasoq
Nuummi 400-vejimi sisamanngornermi unnuakkut biilerluni ajutoortoqarsimavoq.
Angut sisamanngornermi unnuakkut Nuummi biilerluni ajutoornermini avammut issugiussaasimasoq Dronning Ingridip Napparsimmavissuanut unitsinneqarsimavoq.
Ajutoorneq pivoq 400 vejimi nalunaaquttap ataatsimip missaani, biili assakaammat angut avammut issugiunneqarsimavoq. Politikommissæri pigaartullu pisortaat Gedion Qvist taamatut ilisimatitsissuteqarpoq.
Angut kisimiilluni ajutoorsimavoq, tassa biilit allat akuusimanngillat.
- Ajutoortoqarsimasoq nalunaarfigineqaratta ajutoorfimmukartitsivugut. Politiit ajutoorfimmut apuukkamik biilimik aquttoq avammut issugiunneqarsimasoq nassaaraat. Inunnik allanik ilaasoqarsimanngilaq, Gedion Qvist oqarpoq.
Biilimik ingerlatsisimasoq napparsimmavimmukaanneqarsimavoq, politiillu angitp qanoq innera sisamanngornermi ullaakkut oqaatigisinnaanngilaat.
Gedion Qvist naapertorlugu, ajutoortoqanngilaattaani biili sukkasoorujussuulluni illoqarfimmi ingerlaartoq pillugu politiit nalunaarfigineqarsimapput.
Ajutoorneq sisamanngornermi ullaakkut angallattunut sunniuteqanngilaq, biili politiit naapertorlugit peerneqarsimammat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...