Covid-19: Nuummi tunillatsittut nutaat tallimat
Illoqarfiup pingaarnersaanni tunillatsittut nutaat tallimat ullumi arfininngornermi paasineqarput. Tunillatsittut arlallit sumi tunillatsissimanersut ilisimaneqanngilaq meeqqallu paaqqinnittarfinni tunillaaffioreersuni ilai tunillanneqarsimapput.
Nunatta nakorsaanerata kisitsisaataasa kingulliit illoqarfiup pingaarnersaanni nutaanik tallimanik tunillatsittoqarsimasoq takutippaa. Tunillaasuuneq peqqutaalluni bussit akiuussusersuiffiit oqartussaniit pilersinneqarput.
- Akiuussusersuinerit suli amerliartorput, pingaartumik Nuummi. Sapaatip akunnerata ingerlanerani 300-t kapitipput. Akiuussusersuineq pingaarutilerujussuuvoq Nuummi tuniluunneq annertusissanngippat. Innuttaasut akornanni mianersortoqartariaqarnera annertuumik tapersersorneqarpoq, oqartussat paasissutissiipput.
Nuummi tunillatsittut nutaat aqqaneq-marluk ippassaq tallimanngornermi paasineqarput. Nuummi misissortissimasut to procentii tunillatsissimapput. Danmarkimut sanilliukkaanni, Danmarkimi misissortissimasut 0.96 procentii tunnilatsimasuupput.
Kisitsisit kingulliit:
