Nuummi pisiniarfiit paarlaattut
Panasonic Center Nuuk nuussaaq aamma In Fashion allilerneqassalluni, tamannalu pissalluni i-Storep Nuuk Centerimiittup matunerata kingorna.
”Matoqqavoq, Lukket, Closed” i-Store Aps-ip Nuuk Centerimiittup septembarip pingajuanni nal. 20.20 taama naatsigisumik pisiniarfiup atorunnaarnera Facebookimi nalunaarutigaa, aviisi Sermitsiaq allappoq.
Matuneranut suut patsisaanersut ilisimaneqanngilaq. I-Storemik piginneqatigiit tassaapput Rasmus Therkelsen aamma Morten Nordahl. Rasmus Therkelsenip pisiniarfiup matunera uppernarsarpaa, annerusumilli oqaaseqarfigerusunnagu.
– Pisiniarfik matuneqarpoq, suulli tamarmik nutaamik pimmata oqaaseqarfigisinnaanngilara. Aaqqitassaaluit aaqqinneqareerpata aatsaat oqaaseqarsinnaassaanga, Rasmus Therkelsen til Sermitsiamut oqarpoq.
Niuertut nutsertut
I-Store pisiniarfiuvoq immikkut ittoq, Amerikami suliffeqarfissuarmit Applemeersunik qarasaasianik, oqarasuaatinik angallattakkanik, qarasaasiakkullu pinnguaatinik tuniniaasoq. Tunisassiat taakku Japanimiut tunisassiaannik Panasonicimeersunik maanna taarserneqassapput, pisiniarfiummi pineqartup matuneratigut Nuummi niuertut amerlanngitsut nikerarnerannut aallarniutaammat.
Panasonic Center Qullilerfimmi Tele-Postip portusuuliaani maannamut pisiniarfeqarsimagaluartoq i-Storep Nuuk Centerimi pisiniarfigisimasaanut nuussaaq, pisiniarfillu nutaaq oktobarip aallaqqaataanni ammarneqassalluni. Tamatuma peqatigisaanik In Fashionip, aamma Tele-Postip portusuuliaani pisiniarfiuteqartup Panasonic Center Nuup init pisiniarfigisimasaanut pisiniarfimminik allilerissaaq.
Allaaserisaq tamaat uani Sermitsiami atuaruk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
