Skip to main content

TIME-p Nuuk ingerlatsiviit akimasut akornanniitileraa

Nuuk ingerlatsiviit akimasut akornaniilerpoq. Nunatta illoqarfittut pingaarnersaat ukioq manna ornigassanut, soorlu Paris aamma Sydney assigalugit, TIME Magazine’s World’ Greatest Places to Visit 2021 Listimi tatigisaasumi takuneqarsinnaavoq.

Allattorsimaffik takornarianut najoqqutassaavoq ataatsimoortoq, ukiut tamaasa aaqqissuisut suliassamullu paasisimasaqarluartut nunarsuarmit tamaneersut suleqatigalugit
saqqummersinneqartartoq. Nuummi sissaq atuarlugu aqqusininnguit arsarnernillu
takunissamut periarfissaqarluarnerata pingaarnertut, nunatta illoqarfittut pingaarnersaata
takussutissiamut inissinneranut qularnaarinnipput, Visit Greenland tusagassiorfinnut nalunaaruteqarluni ilisimatitsivoq.

- Tupinnaqaaq Nuuk TIMEp 2021-mut allattorsimaffianut ilaalermat. Ornigassaqqissutut
Nuuk isigineqalermat nersorinninneruvoq. Allattorsimaffiit taamaattut pingaaruteqarput, inuit angalanissami tullia pilersaarusiornerani ornigassap eqqaamanissaanik qulakkeerinnimmat, Visit Grenlandip pisortaanera Hjörtur Smárason oqaluttuarpoq.

Piujuartitsineq

Nuup avatangiisinik piujuaannartitsinermillu ukkatarinninnera, ilaatigut nunarsuarmi
illoqarfiit pingaarnersaanni siullersaalluni piujuaannartitsisumik tunngavilittut
anguniagaqarnera, TIME-p ilanngutsitsinermi erseqqissarpaa.  

- Nalunngilarput avatangiiseq piujuaannartitsinerlu takornariat Nuummiullu
pingaartittorujussuugaat. Taamaattumik nunatta illoqarfittut pingarnersaat
piujuaannartitsinerup tungaanut ineriartortinnissaa ilungersuutigiuaannarparput.
Nuannerpoq suliniutivut nunarsuarmi iluarineqarmata aammalu suliniutit
maluginiarneqarneqarmata pingaartinneqarlutillu, Anne Nivíka Grødem Sermersooq
Businessimeersoq oqarpoq. 

Piffissaq sivisooq ingerlasimasoq

Nuup Timesip allattorsimaffianut ilanngunneqarnissaa 2017-imi aallartippoq Visit
Greenlandip tusagassiortoq Lauren Breedlove girlwanderlist.com-imik allattartoq
nunatsinnut qaaqqummagu. Tikeraarnermini nunarput, misigisassat asseqanngitsut
eqqumiikajaallu nuannaringaalerpai, nunatta misigitissinnaasai.

Ukioq manna TIME Magazinep ornigassaqqissutut ilanngusseqqummani, nunatsinni
misigisani eqqaamalluarlugit nunarput ornigassatut kajumissaarutiginissaanut
nalorninngiivippoq, Visit Greenland allappoq.

Nuup allattorsimaffimmut ilanngunneqarneranut tunngavilersuutit atuakkit

Ujarnerup Kulturimik Nittarsaassisuuneq allamut ingerlateqqittussanngorpaa

Ukioq kingulleq Ujarneq Fleischer kulturimik nittarsaassisutut toqqarneqarpoq, maannakkullu nittarsaassisuuneq allamut ingerlateqqittussanngorpaa. Kulturimik Nittarsaassisoq nutaaq...

Qitittartut takutitsisartullu silarsuaanneersunik NNK 21-mi misigisaqarit

Nunat Avannarliit Nuummi kulturisioqatigiinnerat nipilersornermut tunngasuinnaanngilaq. Pia Arke, Jessie Kleemann aamma Jeannette Ehlers saqqummersitaat ”Atlantikumi / I Atlanterhavet”...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER