Skip to main content

Arctic Prime Fisheries politiinut nalunaarutigineqartoq

Kalaallit Nunaanni Aalisarsinnaanermut Akuersissutinik Nakkutilliisoqarfiup, Aalisarnermut Piniarnermullu Naalakkersuisoqarfiup ataani inissisimasup, Arctic Prime Fisheries aalisarnermut inatsimmik unioqqutitsisimasutut Nunatta Politiivinut nalunaarutigaa.

Ingerlatseqatigiiffiup unnerluutigineqarnissaa tunngavissaqarnersoq, unnerluussisussaatitaasunit maanna nalilersorneqaleruttorpoq aamma taama pisoqarsimappat susoqarsimanera qulaajarneqassalluni.   

Nunatta Politiivini unnerluussisussaatitaasuni fuldmægtigip Marutha Thayapharanip tamanna uppernarsarpaa. Taassumali annerusumik oqaaseqarfigerusunngilaa, suliap suli ingerlanneqarnera pissutigalugu, taanna oqarpoq.

Arctic Prime Fisheries, APF, 2020-mut ukiumoortumik naatsorsuutit saqqummiunneqarnerannut atatillugu pineqartoq pillugu allagaqarpoq. Ukiumoortumik nalunaarusiap ingerlatseqatigiiffiup ukioq manna juunip arfineq-pingajuanni ukiumoortumik ataatsimeersuarnerani saqqummiunneqarneranut atatillugu akuersissutigineqartumi, ingerlatseqatigiiffimmut aningaasarsiornikkut kingunerisinnaasaasa nalilersornissaat ajornakusoorsimasoq, allakkani allassimavoq.  

APF politiinut apriilimi nalunaarutigineqarpoq

Aalisarnermut Piniarnermullu Naalakkersuisoqarfimmi pisortap Jørgen Isak Olsenip Sermitsiamut arlaleriarluni uppernarsartarpaa, APF-ip akuersissuteqarnermi piumasaqaatit unioqqutissimagai.

Nutaarsiassaq tamaat uani Sermtisiami atuaruk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER