Skip to main content

Nuummi mattusimaffissaq pilersinneqartoq

Nappaalanersuaqarneranut ataatsimiititaliap timmisartoqarfiliortunut pilersuisuni sulisut arfinillit piffissami kingullermi coronamik tunillanneqarsimammata, tuniluuttoqanerulersinnaanera pinngitsoortinniarlugu mittarfiup eqqaa matusimava.

Suliffeqarfimmi timmisartoqarfiliortumi sulisut arfinillit coronamik tunillatsissimasut paasineqarmat, Nappaalanersuaqarneranut ataatsimiititaliaq aalajangersimavoq, tuniluuttoqalersinnaanera pinngitsoortinniarlugu timmisartoqarfiliortut najugaqarfiat allanik tikinneqarsinnaajunnaarsillugu matuneqassasoq.

Taamatut matusinermi Nuummi timmisartoqarfiliornermut atatillugu sulisut najugaqarfiannnut sanaartorfimmullu appakaannissaq inerteqqutigineqarpoq.

Najugaqarfimmi najugallit najugaqarfiup sanaartorfiullu akornanni killeqanngitsumik ingerlasarsinnaapput aamma mattussisoqaraluartoq sulisinnaapput.

Inuit mattusimatinneqartut aamma peqqinnissaqarfimmi suli suliarineqarsinnaallutillu peqqinnissatigut oqartussanik isumaqatigiissuteqarnermikkut mattusimaffiup avataani misissortissinnaapput.

Nerisassanik pajunneqarsinnaasut

Sanaartornerup ingerlanneqarnerani najugaqarfimmilu pisariaqartinneqartut nerisassat nioqqutissallu allat tunniunneqarsinnaassapput, piumasaqaataavorli qanermut assiaquteqarluniluunniit visirimik atuisanissaq aamma inuit 2 meterit angullugit qanillineqannginnissaat.

Mattusimaffimmi oqartussat suliaqarsinnaanerat inerteqquteqarnermut ilaatinneqanngilaq, tassa tuniluuttoqarsinnaaneranut pennissatigut malittarisassatut pisariaqartut malinneqarpata.

Mattusimaffissaq ingerlaannartumik atuutsinneqalerpoq, sivitsorneqanngippallu 2021-mi juunip 17-ata tungaanut atuutissalluni.

Tuniluuttoqalersinnaaneranut atatillugu pissutsit pitsaanerulersimappata juunip 17--iat nallertinnagu peqqussut atorunnaarsinneqarsinnaavoq, tassa tuniluuttoqalersinnaaneranik ernumassuteqarnissamut tunngvissaaruttoqarpat, peqqussummi allassimavoq.

Ujarnerup Kulturimik Nittarsaassisuuneq allamut ingerlateqqittussanngorpaa

Ukioq kingulleq Ujarneq Fleischer kulturimik nittarsaassisutut toqqarneqarpoq, maannakkullu nittarsaassisuuneq allamut ingerlateqqittussanngorpaa. Kulturimik Nittarsaassisoq nutaaq...

Qitittartut takutitsisartullu silarsuaanneersunik NNK 21-mi misigisaqarit

Nunat Avannarliit Nuummi kulturisioqatigiinnerat nipilersornermut tunngasuinnaanngilaq. Pia Arke, Jessie Kleemann aamma Jeannette Ehlers saqqummersitaat ”Atlantikumi / I Atlanterhavet”...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER