Skip to main content

D-mi politikkeritoqqat qinigaanngitsoortut

Demokraatit qinersisaasa affaannanngorsimanerannit politikkeritoqqat Steen Lynge Justus Hansenilu Inatsisartunut qinigaanngitsoorput.

Anna Wangenheim, Nivi Olsen Jens-Frederik Nielsenilu marlunngormat Inatsisartunut qinersisoqarmat qinigaapput.

Partiip siulittaasuata Jens-Frederik Nielsenip nassuerutigaa, partiimi siulittaasuusimasoq Niels Thomsen assigalugu qinersisartunit nuannarineqartiginnginnini. Partiip siulittaasua aamma Anna Wangenheimimit Nivi Olsenimillu taaguunnikinnerusimavoq.

Arnat taakku marluk 531-nik 501-inillu taaguunneqarsimapput, Jens-Frederik Nielsen taamaallaat 494-inik taaguunneqarsimalluni.

Inatsisartuni ilaasortaajunnaartut

Justus Hansen, Steen Lynge aamma Malene Vahl Rasmussen partii sinnerlugu Inatsisartuniikkunnaarput, kingullertut taaneqartoq inuttut aatsaat taamak taaguunneqartigingaluarpoq – 80-iniit 153-inut taasisui amerlisimagamik – taakkuli Inatsisartuni issiaannarnissaanut naammannatik.

Steen Lyngemut nunanut allanut naalakkersuisutut Nunarput sinnerlugu Amerikami nunanut allanut ministerimik Københavnimi ataatsimeeqateqarsimasumut taamatut inissinneq annernassagunarpoq.

Justus Hansenili illoqarfiit pingaarnersaata kommuniani politikkeritut ukiuni sisamani ingerlaqqittussatut isikkoqarpoq, tassani Demokraatini taaguunneqarnerpaasimalluni.

Partiimi aaqqissuusseqqittoqassasoq

Marlunngornerup pingasunngornerullu akornanni unnuakkut partiit siulittaasui KNR-kkut oqallitsinneqarmata Jens-Frederik Nielsenip oqaatigaa, kinguariarujussuarnermut ilaatigut pissutaasoq allamik siulittaasoqalersimanera, taamalu nassuerutigalugu Niels Thomsenitut 2018-imi 2.773-inik taaguunneqartutut qinersisartunit nuannarineqartiginani.

- Partiimi qanoq aaqqissuusseqqissanerluta maanna misissussavarput, qulakkeerlugulu innuttaasunit tatigineqaqqilernissarput, Jens-Frederik Nielsen KNR-kkut partiit siulittaasui oqallitsinneqarmata oqarpoq.

Demokraatit ilisimaarilluarsimavaat, naalakkersuisooqataaleramik qinersisartunik akeqarsinnaasoq. Naalakkersuisooqataalernerminnulli tunngavigisimavaat Nuummi Ilulissanilu timmisartoqarfissat nutaat suliaralugit aallartinneqarnissaat, tamatumunngalu peqatigitillugu akisussaassuseqartumik aningaasaqarnermik ingerlatsisoqarnissaata qulakkeerneqarnissaa kissaatigisimallugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER