Nuuk: Qinersiviup eqqaani utaqqisorpassuit qanermullu assiaqutit

Nuummi qinersivimmi coronavirusip siaruaassinnaanera pinngitsoortinniarlugu sillimaniarnermi maleruagassaqartoqarpoq. Qinersivimmit assilisat maani takukkit.

Nuummi qinersiviup silataani qinersisartut arlallit utaqqipput, utaqqinerminnilu partiinit isumassorneqarlutik aliikkusersorneqarlutillu. Ualimut qiimmassimaartoqarluarpoq. - Leiff Josefsen
Nuummi qinersiviup silataani qinersisartut arlallit utaqqipput, utaqqinerminnilu partiinit isumassorneqarlutik aliikkusersorneqarlutillu. Ualimut qiimmassimaartoqarluarpoq. - Leiff Josefsen
Nuummi qinersiviup silataani qinersisartut arlallit utaqqipput, utaqqinerminnilu partiinit isumassorneqarlutik aliikkusersorneqarlutillu. Ualimut qiimmassimaartoqarluarpoq. - Leiff Josefsen
Nuummi qinersiviup silataani qinersisartut arlallit utaqqipput, utaqqinerminnilu partiinit isumassorneqarlutik aliikkusersorneqarlutillu. Ualimut qiimmassimaartoqarluarpoq. - Leiff Josefsen
Nuummi qinersiviup silataani qinersisartut arlallit utaqqipput, utaqqinerminnilu partiinit isumassorneqarlutik aliikkusersorneqarlutillu. Ualimut qiimmassimaartoqarluarpoq. - Leiff Josefsen

Nuummi Inussivimmi qinersivimmut aqqusineq ulloq iluatsillugu siumuinnaq sammisunngortinneqarsimavoq. Ullumikkut apriilip 6-ani Inatsisartunut, kommuninut, ilagiit sinniisaannut nunaqarfiillu aqutsisuisunut ullup qinersiviunera inuppassuarnit arajutsisimaneqarsimanaviarunanngilaq. Nuummi Inussivimmiissinnaasut amerlassusaat killilersuiffigineqarput qinersisartullu isaarissami assammik sprittimik taninnissamut qanermullu assiaqutinik neqeroorfigineqartarput.

Inussiviup eqqaani biilerpassuit pisuinnaallu siuleriiaassimasorpassuupput.

Taakkua akornanniippoq Sofie Frederiksen nal. 16.00 missaani Inatsisartunut Kommuneqarfik Seremrsuumilu kommunimut taasiartortoq.

Qineqqusaartoqarnerata nalaani partiit ineqarnermut tunngasunik oqallinnerat malinnaavigilluarsimavaa, Naleqqamillu taasiniarnini isertuutinngilaa.

- Nammineq najugarisap pigilernissaanut periarfissaqarsinnaanissaq isumaqatigisorujussuuara. Nuummi initaarniartunik utaqqisorpassuaqarpoq, taamaattumillu partiit ineqarnermut politikkiinut malinnaasimavunga, Sofie Frederiksen Sermitsiaq.AG-mut oqaluttuarpoq.

Taanna oqaluttuarpoq, qinersinerup unnukkua isiginnaarutip saavani atorniarini.

Tamat oqartussaaqataaneranni ulloq nalliuttorsiorfik

Nuummi Inatsisartunut taasisinnaatitaasut katillugit 13.467-iupput, Nuummilu innuttaasunit 13.956-it kommunimut taasisinnaatitaallutik.

Kommuneqarfik Smersuumi innuttaasut 32,86 procentii nal. 17.00 Inatsisartunut taasiartorsimapput, innuttaasullu 32,08 procentii kommunimut taasiartorsimallutik, tamanna kommunip nittartagaani naatsorsukkanit takutinneqarpoq.

Ulluni kingullerni sialuttalimmik anorersuarnerata aqquserngit ingerlavissaajunnaarsipajaarsimagaluarai partiit Nuummi qinersiviup eqqaani inissitsitersimapput.

Siumut, Inuit Ataqatigiit, Nunatta Qitornai, Demokraatit allallu arlalllit kaffillerlutillu tamussiussassaqartitsipput, innuttaasullu ussassaarutitut tunissutinik soorlu erfalasunik, matuersaataasivinnik simiiaatinillu partiit ilisarnaataannik ilisarnaatitalinnik aamma pissarsisinnaallutik.

Sammisat arlallit soqutigineqartut

- Isumaqarpunga partiit ilinniartitaanermut ersarissumik politikkeqarnissaat pingaaruteqartoq. Tassami meeqqat atuarfiata ingerlalluarnissaa pingaaruteqarpoq, inuusuttut angusarissaarsimallutik ilinniartitaanerup silarsuaanut appakaassinnaaqqullugit, Axel Ingemann Jeremiassen oqaluttuarpoq.

Taanna qinersisartut taasininssaminnut utaqqillutik Inussiviup silataaniittut akornanniippoq. Qinersinermili ilinniartitaaneq kisiat isiginiarnianngilaa.

- Inuussutissarsiorneq aamma pingaartittorujussuuara, ilaatigut aalisartunut tunitsiviit. Aamma nunalerinerup silap pissusiata allanngoriartornera ilutigalugu ineriartortinneqarnissaa pingaaruteqarpoq, neqinik naatitanillu immitsinnut pilersornerulerniassagatta, oqarpoq. Qinersinerup unnukkua ilaquttani peqatigalugit atorniarpaa.

Powered by Labrador CMS