Nuuk innaallagiaaruppoq imermillu pilersorneqarunnaarluni
Nuumm innuttaasut arlallit suli innaallagiaqaratillu imermik pilersorneerupput. Sisamanngornermi unnukkut arfinermut qaangernerani pilersuinermik ajutoornerup kingorna Nukissiorfiit aaqqiiniarlutik suliaqarput.
Nuummi najukkani tamani sisamanngornermi unnukkut innaallagiamik imermillu pilersuisoqarunnaarpoq.
Nukissiorfiit Facebookiminni allapput:
- Nuummi innaallagiamik pilersuinerput qamittooqqagallarpoq. Ajornartorsiutip aaqqiivigipallannissaa sulissutigaarput.
Nalunaaqutaq 19.21 nalunaarut nutaaq ikkunneqarpoq, tassa ajornartorsiut nassaarineqartoq aaqqinniarneqartorlu.
- Periarfissaq sukkanerpaaq atorlugu atuisut sumiiffikkuutaarlugit innaallagiamik pilersorneri aaqqissorpagut. Teknikeritta sukkanerpaamik atuisut tamarmik naliginnaasumik pilersuleqqinnissaanik ulapputeqarput.
Nalunaaqutaq 21.00 missaani Nukissiorfiit ilisimatitseqqipput:
- Nuussuup Nuullu ilaani innaallagiamik pilersuineq naliginnaasunngoqqippoq. Sukkanerpaamik illoqarfiup sinnerani pilersuinerup aamma aaqqinnissaa sulissutigaarput.
Nuummiunut nalunaarut: Nuussuup Nuullu ilaani innaallagiamik pilersuineq naliginnaasunngoqqippoq. Sukkanerpaamik...
Slået op af Nukissiorfiit i Torsdag den 1. april 2021
Tele-Post nittartakkamini nalunaaqutaq 20.30 missaani ilisimatitsivoq Nuummi innaallagiamik pilersuinerup ajutoornera pissutigalugu oqarasuaatinut internetimullu attaveqaatit akornuteqarsinnaasut.
- Killiffik pillugu Nukissiorfiit oqaloqatigaavut, attaveqarnerlu sapinngisarput tamaat qulakkeerniarlugu sulilluta.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...