Qaammatini pingasuni kisimiilluinnarsimavoq
Corona Europamut anngummat Makka Kleist Ærøskøbingimi illuminut qimaavoq. Taamani AG-mut oqaluttuaraa »piffissaq kiserliorfiusoq eqqumiinnerpaaq«. Maanna ukioq ataaseq qaangiussimavoq – AG-llu oqaloqatigeqqippaa.
Maanna tikillugu Danmarkimi coronamik toqusut 2.345-nik amerlassuseqarput. Tassa assersuutigalugu Maniitsormiut tamangajavimmik toqusimasut assigiinnarpaa. Ukioq manna januaarimi ajornersaammat qallunaat 30-40-t ullormut toqusarsimapput.
Aviisi AG taama allappoq.
Taamaattumik ilaqutariippassuarnut artornarsimaqaaq. Kalaallillu Danmarkimiittut 16.500-t missaanniittut nappaatip tuniluuttup kingunipilui soorunami malugisimavaat.
Ukiup ataatsip matuma siornatigut nappaatip tuniluuttup atuutilernera Makka Kleistimut – Kalaallit Nunaanni inuit kulturikkut malunnaatillit ilaannut – artornarsimaqaaq. Uia, Sven B. Syrin, ilaquttamini toqusoqarnera pissutigalugu Norgemut aallarsimavoq, Makkalu Ærømi (Fynip eqqaaniittumi) illumi, aappariit 2019-imi ukiut nikinneranni nuuffigisimasaanni, kisimiippoq.
AG-p 2020-mi marsimi oqaloqatigimmagu ilisimanngilaa uini qaqugu utissanersoq, uternissaanulli akunnerit kisippai. Utaqqinerali sivisusimaqaaq.
- Qaammatit pingasut, ullumikkut oqaluttuarpoq.
Piffissami tassani immikkoortitaasorujussuartut kiserliortorujussuartullu misigisimasimavunga. Piffissaq sutigut tamatigut erloqinarsimaqaaq.
Aviisimi AG-mi atuarnerugit: