Ukiuunerani umimmanniarneq aningaasarsiorfiulluartoq
Umimmanniarneq piniartunut aningaasarsiorfiullunilu Neqi A/S-imi suliffissanik pilersitsivoq. Nutaaliorlunilu ineriartortitsinikkut umimmaap amia tamakkiisumik atorluarniarneqarpoq.
Kangerlussuarmi ukiuunerani umimmanniarneq 25. Januarimiit 23. februarip tungaanut ingerlanneqartoq, Qeqqata Kommuniani piniartunut aningaasarsiornerannik qulakkeerinnittuuinnarani, aammalu Kangerlussuarmi toqoraavimmi suliffissanik pilersitsiffiusoq, aviisi Sermitsiaq allappoq.
Februarip qiteqqunnerani umimmaat 505-it, katillugit 140 tonsinik oqimaatsigisut, toqoraavimmut tunineqarsimasut, Neqi A/S-ip pisortaa Ole Vestgaard oqarpoq.
Toqoraavimmi Umimmaap neqaa salinneqartarpoq, aggorneqareeraangallu qeritinneqartarluni.
Aviisimi Sermitsiami atuarnerugit: