Tuttut atorluarneqarnerusariaqartut

Nuussuarmi tuttut amerligaluattuinnartut aningaasarsiutaasinnaasariaqartut, Saqqami piniartoq isumaqarpoq.

KNAPK-p qinnuteqaataa tunngavigalugu 12. februarimiit 25. februar ilanngullugu Nuussuarmi ukiuunerani tuttunniartoqarnissaa Naalakkersuisut ammaappaat, tamannalu Saqqami piniartunit nuannaarutigineqarlunilu atorluarneqarpoq. Siorna aasakkut pisassiissutigineqartuniit pisarinngitsuukkat 88-it ukiuunerani Nuussuarmi tuttunniarnissamut pisassiissutigineqarput, maannakkumullu taakkunannga arlalissuit pisarineqareerput.

Aviisi Sermitsiaq taama allappoq.

Pisarinngitsuukkanik nuussineq pisassiissutaareersunik nuussineruvoq, taamaattumillu nungusaataanngitsumik piniarnertut isigineqartariaqarluni.

Ukiuunerani tuttut eqqissisimatinneqartariaqarnerat tunngavilersuutigalugu, ukiuunerani tuttunniartoqarnissaa biologit innersuussutigineq ajorpaat. Ukiuuneranilu tuttunniarnissamut innersuussineq, aqutsiveqarfinni tuttoqarfiusuni tuttut amerlavallaalersimanerannik tunngaveqartartoq, Aalisarnermut Piniarnermut Nunalerinermullu Naalakkersuisoqarfik, APPN, nalunaarpoq.

Aviisimi Sermitsiami atuarnerusinnaavutit:

Powered by Labrador CMS