WWF: Nuummi qipoqqarnik eqqissisimatitsinissaq atuutilissappat tunissutaassaaq annertooq

Eqqarsartaaseq allanngortoq aamma Nuup eqqaani pinngortitamut tunissut annertooq. Nuup eqqaani arfernik eqqissisimatitsinissamik siunnersuut illoqarfiit pingaarnersaata kommunianit tusarniaassutigalugu nassiuneqarsimasoq pillugu WWF Verdensnaturfonden taamatut oqarpoq.

Kommuneqarfik Sermersuumi siunnersuuteqartoqarneratigut Nuummi qipoqqaat eqqissisimatitaalernissaat anguniarneqarpoq, tamannalu WWF Verdensnaturfondenimit tigulluarneqarluni.

- Qipoqqaat kangerlummi eqqissisimatitaalissappata pinngortitap peqqissarfiusarnera aamma takornariartitsisarneq piniarnerminngaannit siullermeersumik pingaarnerutinneqalissapput. Arferit avataaniittartut amerlassusaat ajunngillat, kangerlummiittulli ikittuinnanngorsimapput, Kaare Winther Hansen WWF-ip Kalaallit Nunaanni immikkoortortaqarfianeersoq tusagassiorfinnut nalunaaruteqarluni oqarpoq.

WWF-imit oqaatigineqarpoq, arferit nuannarineqartaqisut Nuup Kangerluani nungungajavissimasut, tamannalu takornariartitsisarnermut arfernillu takusassarsiortitsisarnermut ajoqusiisimasoq.

Inerteqquteqalivinnissaq pineqanngitsoq

- Arferit kangerlummi pisarineqartartut Kalaallit Nunaata aningaasatigut iluqutigineq ajorpai. Qipoqqaap neqaata tamarmiusup tunineqarneratigut isertitarineqartartut ullormi ataatsimi arfernik takusassiortitsinermi isertitarineqartartut annertoqqatigaat. Taamatulli isertitaqartoqassappat inuit takusassaqartariaqarput, Kaare Winther Hansen qipoqqarniartarnermik inerteqquteqartoqalernissaanik anguniagaqartoqannginneranik erseqqissaasoq oqarpoq.

Aamma atuaruk: Nuuk: Nuup Kangerluani arfernik piniarneq inerteqqutaalissava?

Ifølge WWF naapertorlugu qipoqqaq Kalaallit Nunaanni assiliuminarnerpaallunilu takornarianit nuannarineqarnerpaasartoq.

- Angisuujuvoq, aqqaraangami papeqquni takutittarpaa, ilaannikkooriarlunilu tinngattarpoq imaanut tunngajunnaarluni. Aamma inuit ersigineq ajoramigit qanilliuminartuuvoq. Taamaannerata malitsigisaanik tarkonarianit piniartunillu pilerigineqartaqaaq, wwf-imit ilisimatitsissutigineqarpoq.

Tusarniaanermut atatillugu oqaaseqaateqarnissamut akerliliinissamulluunniit kingusinnerpaamik piffissaliunneqarsimavoq februaarip 26-anni nalunaaqutaq ullup-qeqqa.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS