Skip to main content

Nuuk illoqarfiit pingaarnersaattut siullersaalluni piujuaannartitsinissamik tunngavilittut allagartaqarusuttoq

Kommuneqarfik Sermersooq illoqarfiit pingaarnersaattut nunarsuarmi siullertut piujuartitsinermik tunngavilittut allagartaqalernissaminut tallimanngormat alloriarpoq.

Nuuk illoqarfiit pingaarnersaattut siullersaalluni piujuaannartitsinissamik tunngavilittut allagartaqarusuppoq.

Illoqarfik taamatut taaneqartalissaguni suliniaqatigiiffik EarthCheck suleqatigalugu uppernarsaatinik arlalinnik pissarsisariaqarpoq.

Uppernarsaat siulleq tassaasoq bronze benchmarking – imaluunniit assersuussinissamut tunngavik Kommuneqarfik Sermersuumit tallimanngormat tiguneqarpoq.

Assersuussinissamut tunngaviusoq ukiumoortumik suliarineqartarpoq aamma kommune anguniakkaminik naammassinnissinnaaneranut aamma piujuartitsinermut tunngasunut pisussaaffinnik naammassinnissinnaaneranut naliliinermi aallaaviuvoq. Piffissap ingerlanerani kommunip ukiut siuliini nammineq angusat aamma nunarsuarmi orninneqarsinnaasut allat assersuussinnaalissavai.

Kommuneqarfik Sermersooq tusagassiorfinnut nalunaaruteqarnermi taamatut ilisimatitsivoq.

- Nunarsuarmi illoqarfiit pingaarnersaattut piujuaannartitsisutut siullersaarusuppugut, aamma piujuaannartitsinermik nuannarisaqarnitsinnik isumaqataasut ussagaqqullugit, borgmester Charlotte Ludvigsen tusagassiorfinnut nalunaaruteqarnermi oqarpoq.

Ornitassaq piujuartitsisoq

Suliniaqatigiiffik EarthCheck suleqatigalugu kommune maannakkut ornigassatut angusaqarniarluni suliaqarpoq.

Med bronze benchmarking vil kommunen øge sin standard for løsning af bæredygtighedsrelaterede udfordringer, såsom beskyttelse af natur og kulturarv på en økonomisk bæredygtig måde.

- Bronze Benchmarking aqqutigalugu matumani pineqartoq ilumoorullugu pigipput takutipparput. Tamanna ullumikkut inuussutissarsiornerup iluani suleqatitta aamma periarfissallit takusinnaavaat, taamatullu takornariat amerliartuinnartut, taakku aamma piujuartitsineq pillugu eqqumasuupput, borgmesteri Charlotte Ludvigsen oqarpoq.

Tallimanngormat nalliuttorsiorneq

Uppernarsaammik siullermik tigusaqarneq tallimanngormat Hotel Hans Egedemi Nuummiittumi nalliuttorsiutigineqarpoq. Inuussutissarsiuteqartunit suleqatigisat nalliuttorsiornermi peqataapput, Kommuneqarfik Sermrsooq ilisimatitsivoq nalliuttorsiorneq coronamut atatillugu malittarisassat eqqarsaatigalugit ingerlanneqarsimasoq.

- EarthCheck-imi suliffeqarfiit, ataatsimoorussat aamma oqartussaqarfiit ikiortarpagut, nunarsuarmut inuussutissarsiornermullu iluaqutaasunik angusaqarniarnermi. Kommuneqarfik Sermersuup qanoq piujuartitsisumik angusaqarusussuseqarnerminik attassiinnarnera assorsuaq tupigusuutigaarput, naak tamatta nunarsuarmi tuniluuttumik nappaalasoqarnerata qeqqaniikkaluartugut. Allat malinnaajumaartut neriuutigivarput, André Russ oqarpoq, EarthCheck-imi tuniniaanermik Vice Præsidenti.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER